സ്പൈര് പ്രൊഡക്ഷന്‍സിന്റെ ബാനറില്‍ സഞ്ജു ഉണ്ണിത്താന്‍ നിര്‍മിച്ച് നവാഗതനായ ഫൈസല്‍ രചനയും സംവിധാനവും നിര്‍വഹിക്കുന്ന ‘മേനേ പ്യാര്‍ കിയ’ എന്ന പുതിയ മലയാളചിത്രത്തിന്റെ ഔദ്യോഗിക പോസ്റ്റര്‍ പുറത്തിറങ്ങി. ഹൃദു ഹാറൂണ്‍, പ്രീതി മുകുന്ദന്‍, അസ്‌കര്‍ അലി, മിദൂട്ടി, അര്‍ജ്യോ എന്നിവരാണ് ചിത്രത്തിലെ പ്രധാന താരങ്ങള്‍.
‘മന്ദാകിനി’ എന്ന ഹിറ്റ് ചിത്രത്തിന് ശേഷം സ്പൈര് പ്രൊഡക്ഷന്‍സ് നിര്‍മിക്കുന്ന ചിത്രം ഒരു റൊമാന്റിക് കോമഡി ത്രില്ലറാണ്. ‘മുറ’ എന്ന ഹിറ്റ് ചിത്രത്തിന് ശേഷം ഹൃദു ഹാറൂണ്‍ വീണ്ടും നായകനായി എത്തുന്ന ചിത്രമാണ് ഇത്. തമിഴ് ചിത്രം ‘സ്റ്റാര്‍’ ലെയും മ്യൂസിക് വീഡിയോ ‘ആസൈ കൂടൈ’ ലെയും ശ്രദ്ധ നേടിയ പ്രീതി മുകുന്ദന്‍ മലയാള സിനിമയിലെ നായികാ അരങ്ങേറ്റം കുറിക്കുന്ന ചിത്രവുമാണ് ‘മേനേ പ്യാര്‍ കിയ’.
ജിയോ ബേബി, ശ്രീകാന്ത് വെട്ടിയാര്‍, റിഡിന്‍ കിംഗ്‌സിലി, ബിബിന്‍ പെരുമ്പിള്ളി, ത്രികണ്ണന്‍, മൈം ഗോപി, ബോക്‌സര്‍ ദീന, ജനാര്‍ദനന്‍, ജഗദീഷ്, ജിവി റെക്‌സ് എന്നിവരും ചിത്രത്തില്‍ അഭിനയിക്കുന്നു. ഫൈസലും ബില്‍കെഫ്‌സലും ചേര്‍ന്നാണ് തിരക്കഥ രചിച്ചിരിക്കുന്നത്.
ഛായാഗ്രഹണം: ഡോണ്‍പോള്‍ പി. സംഗീതം: ഇലക്ട്രോണിക് കിളി, എഡിറ്റിംഗ്: കണ്ണന്‍ മോഹന്‍, എക്‌സിക്യൂട്ടീവ് പ്രൊഡ്യൂസര്‍: ബിനു നായര്‍
പ്രൊഡക്ഷന്‍ കണ്‍ട്രോളര്‍: ശിഹാബ് വെണ്ണല, കലാസംവിധാനം: സുനില്‍ കുമാരന്‍, ചീഫ് അസ്സോസിയേറ്റ് ഡയറക്ടര്‍: രാജേഷ് അടൂര്‍
കോസ്റ്റ്യൂംസ്: അരുണ്‍ മനോഹര്‍, മേക്കപ്പ്: ജിത്തു പയ്യന്നൂര്‍, സൗണ്ട് ഡിസൈന്‍: രംഗനാഥ് രവി, സംഗട്ടനം: കലൈ കിംങ്‌സണ്‍, പ്രൊജക്റ്റ് ഡിസൈനര്‍: സൗമ്യത വര്‍മ, ഡിഐ: ബിലാല്‍ റഷീദ്, അസ്സോസിയേറ്റ് ഡയറക്ടര്‍മാര്‍: അശ്വിന്‍ മോഹന്‍, ഷിഹാന്‍ മുഹമ്മദ്, വിഷ്ണു രവി.
സ്റ്റില്‍സ്: ഷൈന്‍ ചെട്ടികുളങ്ങര, പ്രൊഡക്ഷന്‍ എക്‌സിക്യൂട്ടീവ്: വിനോദ് വേണുഗോപാല്‍, ആന്റണി കുട്ടമ്പുഴ, ഡിസൈന്‍: യെല്ലോ ടൂത്സ്.
വിതരണം: സ്പൈര് പ്രൊഡക്ഷന്‍സ്, അഡ്മിനിസ്ട്രേഷൻ & ഡിസ്ട്രിബ്യൂഷന്‍ ഹെഡ്: പ്രദീപ് മേനോന്‍, പി.ആര്‍.ഒ: എ.എസ്. ദിനേശ്, ശബരി
ചിത്രത്തിന്റെ റിലീസ് തീയതി ഉടൻ പ്രഖ്യാപിക്കുമെന്ന് അറിയിച്ചു.