പാര്വതി തിരുവോത്ത്, ബിജു മേനോന്, ഷറഫുദ്ധീന് എന്നിവര് പ്രധാന കഥാപാത്രങ്ങള് ആയി എത്തുന്ന ആര്ക്കറിയാം എന്ന ചിത്രത്തിലെ ആദ്യ ഗാനം പുറത്തുവിട്ടു.’ചിരമഭയമീ’ എന്നുടങ്ങുന്ന ഗാനത്തിന്റെ വരികള് എഴുതിയിരിക്കുന്നത് അന്വര് അലി ആണ് .ചിട്ടപ്പെടുത്തിയിരിക്കുന്നത് നേഹ നായരും യെക്സാന് ഗാരി പെരേരയും ചേര്ന്ന്.ഒരു കുടുംബത്തിലെ രസകരമായ നിമിഷങ്ങളാണ് നാല് മിനിറ്റ് ദൈര്ഖ്യമുള്ള ഗാനത്തിലുള്ളത്. മധുവന്തി നാരായണ് ആണ് ഗാനം ആലപിച്ചിരിക്കുന്നത്. മൂണ്ഷോട്ട് എന്റര്ടൈന്മെന്റ്സിന്റെയും, ഒ പി എം ഡ്രീം മില് സിനിമാസിന്റെയും ബാനറില് ചിത്രം നിര്മ്മിച്ചിരിക്കുന്നത് സന്തോഷ് ടി കുരുവിളയും ആഷിഖ് അബുവുമാണ്. ചിത്രം തീയേറ്റര് റിലീസിന് തയ്യാറെടുക്കുകയാണ്.സാനു ജോണ് വര്ഗീസ് ആണ് ചിത്രത്തിന്റെ സംവിധായകന്.
മഹേഷ് നാരായണന് എഡിറ്റിംഗ് നിര്വഹിച്ചിരിക്കുന്ന ചിത്രത്തിന്റെ തിരക്കഥ എഴുതിയിരിക്കുന്നത് സാനു ജോണ് വര്ഗീസും, രാജേഷ് രവിയും, അരുണ് ജനാര്ദ്ദനനും ചേര്ന്നാണ്. ജി ശ്രീനിവാസ് റെഡ്ഢിയാണ് ഛായാഗ്രഹണം.