നാഷണൽ അവാർഡ് നേടിയ ബിരിയാണിക്ക് ശേഷം സംവിധായകനായ സജിന് ബാബുവിന്റെ പുതിയ സിനിമയായ *‘തിയേറ്റര്: ദി മിത്ത് ഓഫ് റിയാലിറ്റി’*യുടെ അനൗണ്സ്മെന്റ് ടീസര് പുറത്തിറങ്ങി. കാന്സ് ഫിലിം ഫെസ്റ്റിവലിലെ മാര്ഷെ ഡു ഫിലിം വിഭാഗത്തില് ട്രെയിലര് പ്രഖ്യാപനം ഔദ്യോഗികമായി അറിയിച്ചുകൊണ്ടാണ് ടീസര് പുറത്തുവന്നത്.
രചനയും സംവിധാനവും സജിന് ബാബുതന്നെയാണ് നിർവഹിക്കുന്നത്. സ്ത്രീമൂല്യങ്ങളും വിശ്വാസങ്ങളും മിത്തുകളും യാഥാര്ഥ്യവുമായി രൂപപ്പെടുന്ന കഥയാണ് ചിത്രത്തിന്റേത് . സമൂഹത്തിൽ മനുഷ്യര് തങ്ങളുടേതായ ആവശ്യങ്ങൾക്കും വിശ്വാസങ്ങള്ക്കുമായി യാഥാര്ഥ്യങ്ങളെ തിരഞ്ഞെടുത്ത് വ്യാഖ്യാനിക്കുന്ന മാനസികാവസ്ഥയാണ് സിനിമയുടെ പ്രമേയമായി ഉയര്ത്തപ്പെടുന്നത്.
ചിത്രത്തില് പ്രധാന വേഷത്തിലെത്തുന്നത് റിമ കല്ലിങ്കല് ആണെന്നതും ശ്രദ്ധേയമാണ്. തന്റെ പ്രകടനത്തിന് മികച്ച നടിയ്ക്കുള്ള ഫിലിം ക്രിട്ടിക്സ് അവാർഡും റിമ നേടിയിട്ടുണ്ട്. കൂടാതെ, പ്രശസ്ത നാടകനടിയും ആക്ടിവിസ്റ്റുമായ സരസ ബാലുശ്ശേരിയും ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നു.
അഞ്ജന ടാക്കീസിന്റെ ബാനറില് അഞ്ജന ഫിലിപ്പും ഫിലിപ്പ് സക്കറിയയും ചേര്ന്നാണ് ഈ ചിത്രം നിര്മ്മിച്ചിരിക്കുന്നത്. സന്തോഷ് കോട്ടായി ചിത്രത്തിന്റെ സഹനിര്മാതാവ്. റിമ കല്ലിങ്കല്, സരസ ബാലുശ്ശേരി എന്നിവരെ കൂടാതെ, ഡൈന് ഡേവിസ്, പ്രമോദ് വെളിയനാട്, കൃഷ്ണന് ബാലകൃഷ്ണന്, മേഘ രാജന്, ആന് സലിം, ബാലാജി ശര്മ, ഡി. രഘൂത്തമന്, അഖില് കവലയൂര്, അപര്ണ സെന്, ലക്ഷ്മി പത്മ, മീന രാജന്, ആര് ജെ അഞ്ജലി, മീനാക്ഷി രവീന്ദ്രന്, അശ്വതി, അരുണ് സോള്, രതീഷ് രോഹിണി തുടങ്ങിവരാണ് മറ്റ് പ്രധാന വേഷങ്ങളില് അണിനിരക്കുന്നത്.
ചിത്രത്തിന്റെ ഛായാഗ്രഹണം നിര്വ്വഹിച്ചിരിക്കുന്നത് ശ്യാമപ്രകാശ് എം.എസ്, എഡിറ്റിംഗ് അപ്പു ഭട്ടത്തിരിയും സംഗീത സംവിധാനം നിര്വ്വഹിച്ചിരിക്കുന്നത് സെയ്ദ് അബാസുമാണ്. ഗായത്രി കിഷോറാണ് ചിത്തത്തിന്റെ വസ്ത്രാലങ്കാരം കൈകാര്യം ചെയ്തിരിക്കുന്നത്. പ്രൊസ്റ്റെറ്റിക് & മേക്കപ്പ് സെതു ശിവനന്ദന് & അഷ് അഷ്റഫ്, സിങ്ക് സൗണ്ട് ഹരികുമാര് മാധവന് നായര്, സൌണ്ട് മിക്സിംഗ് ജോബിന് രാജ്, സൗണ്ട് ഡിസൈന് സജിന് ബാബുവും ജുബിന് രാജും ചേര്ന്നാണ്. അജിത് സാഗര് എക്സിക്യൂട്ടീവ് പ്രൊഡ്യൂസറും സുബാഷ് സണ്ണി ലൈന് പ്രൊഡ്യൂസറുമാണ്. മാര്ക്കറ്റിംഗും കമ്യൂണിക്കേഷനും കൈകാര്യം ചെയ്യുന്നത് ഡോ.സംഗീത ജനചന്ദ്രനാണ് (സ്റ്റോറീസ് സോഷ്യല്).