അന്തസ്സുള്ള ശക്തിമാന്‍ ; ചിത്രം പങ്കുവെച്ച് ഒമര്‍ ലുലു

സൂപ്പര്‍ ഹീറോ ശക്തിമാനായി വേഷമിട്ട് മലയാളികളുടെ പ്രിയതാരം മുകേഷ്. ഹാപ്പി വെഡ്ഡിംഗ്, ചങ്ക്‌സ്, ഒരു അഡാറ് ലവ് എന്നീ ചിത്രങ്ങള്‍ക്ക് ശേഷം ഒമര്‍ലുലു ഒരുക്കുന്ന ചിത്രം ‘ധമാക്ക’യ്ക്കുവേണ്ടിയാണ് മുകേഷിന്റെ ഈ ‘ശക്തിമാന്‍’ മേക്കോവര്‍. ‘അന്തസ്സുള്ള ശക്തിമാന്‍’ എന്ന അടിക്കുറിപ്പോടെയാണ് മകേഷിന്റെ ചിത്രം ഒമര്‍ ലുലു പങ്കുവെച്ചിരിക്കുന്നത്. ഇതിനോടകം ഈ ചിത്രം സോഷ്യല്‍ മീഡിയയില്‍ വൈറലായിരിക്കുകയാണ്. കുട്ടികളുടെ ആരാധന കഥാപാത്രമായിരുന്നു ശക്തിമാന്‍. മുകേഷ് ഖന്നയാണ് സീരിയലില്‍ ആ വേഷം കൈകാര്യം ചെയ്തത്.

എം കെ നാസര്‍ ആണ് ധമാക്ക നിര്‍മ്മിക്കുന്നത്. ഒളിമ്പ്യന്‍ അന്തോണി ആദം എന്ന ചിത്രത്തിലൂടെ ബാലതാരമായെത്തിയ അരുണ്‍ ആണ് ധമാക്കയില്‍ നായകനാകുന്നത്. ബാലു വര്‍ഗ്ഗീസ്, ഗണപതി, ധര്‍മജന്‍ ബോള്‍ഗാട്ടി തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

error: Content is protected !!