ഇന്ത്യയിലെ ആദ്യ 4×4 മഡ്ഡ് റേസ് സിനിമയായ മഡ്ഡിയുടെ ടീസര് ഫെബ്രുവരി 26ന് പുറത്തിറങ്ങും. നവാഗതനായ ഡോ.പ്രഗഭലാണ് സിനിമയുടെ സംവിധായകന്. സിനിമകളില് അപൂര്വ്വമായി മാത്രം കാണുന്ന മഡ്ഡ് റേസിംഗ് ആസ്പദമാക്കിയുള്ള ഒരു ആക്ഷന് ത്രില്ലറായാണ് ഈ സിനിമ ചിത്രീകരിച്ചിരിക്കുന്നത്. പ്രേക്ഷകരെ ആവേശത്തിന്റെ മുള്മുനയില് നിര്ത്തുന്ന ഒരു സാഹസിക ആക്ഷന് ത്രില്ലറാണ് മഡ്ഡി.
കെ.ജി.എഫിലൂടെ ശ്രദ്ധേയനായ രവി ബസ്റൂര് ആദ്യമായി സംഗീതം നല്കുന്ന മലയാള ചിത്രമാണിത്.രാക്ഷസന് സിനിമയിലൂടെ ശ്രദ്ധേയനായ സാന് ലോകേഷ് എഡിറ്റിംങ്ങും, കെ.ജി.രതീഷ് ഛായാഗ്രഹണവും നിര്വഹിക്കുന്നു.കഴിഞ്ഞ ദിവസം ചിത്രത്തിന്റെ മോഷന് പോസ്റ്റര് പുറത്തുവിട്ടിരുന്നു.
പി.കെ. സെവന് ക്രിയേഷന്സിന്റെ ബാനറില് പ്രേമ കൃഷ്ണദാസാണ് സിനിമ നിര്മ്മിക്കുന്നത്. പുതുമുഖങ്ങളായ യുവാന്, റിദ്ദാന് കൃഷ്ണ, അനുഷ സോരേഷ്, അമിത് ശിവദാസ് നായര് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ഹരീഷ് പേരടി, ഐ. എം. വിജയന്, രണ്ജി പണിക്കര്, സുനില് സുഗത, ശോഭ മോഹന്, ഗിന്നസ് മനോജ് എന്നിവരാണ് മറ്റ് താരങ്ങള്.