മുകേഷ് അംബാനിയുടെ വസതിയിലെ ഗണേശോത്സവ പൂജയിൽ പങ്കെടുത്ത നടി ദിഷ പഠാനിയുടെ വസ്ത്രധാരണത്തിനെതിരെ സോഷ്യൽ മീഡിയയിൽ കടുത്ത വിമർശനം. ഡീപ് നെക്ക് ബ്ലൗസും ലെഹങ്കയും ധരിച്ച് ചടങ്ങിനെത്തിയ നടിയുടെ ലുക്ക് സാഹചര്യത്തിന് ചേർന്നതല്ലെന്നാണ് ഒരു വിഭാഗം ആളുകളുടെ ആക്ഷേപം. മതപരമായ ഒരു ചടങ്ങിന്റെ പവിത്രതയോട് നീതിപുലർത്തുന്നതായിരുന്നില്ല നടിയുടെ ഗ്ലാമറസ് വേഷമെന്നാണ് പ്രധാന വിമർശനം.
എല്ലാ വേദികളെയും ഗ്ലാമറസ് പ്രദർശനത്തിനുള്ള അവസരമായി കാണരുതെന്നും സാഹചര്യത്തിനനുസരിച്ചുള്ള വസ്ത്രധാരണമാണ് വേണ്ടതെന്നും നിരവധി പേർ ചൂണ്ടിക്കാട്ടുന്നു. മതപരമായ ആഘോഷ വേളകളിൽ കർശനമായ ഡ്രസ് കോഡ് വേണമെന്നും, ചടങ്ങിൽ പങ്കെടുത്ത മറ്റുള്ളവർ മാന്യമായ വേഷങ്ങളാണ് ധരിച്ചിരുന്നതെന്നും വിമർശകർ ഓർമ്മിപ്പിക്കുന്നു.
‘എല്ലാ ചടങ്ങുകളെയും ഗ്ലാമറസ് ആയി കാണാതെ, സാഹചര്യത്തിനനുസരിച്ചുള്ള വസ്ത്രധാരണമാണ് വേണ്ടതെന്നും’ മറ്റു ചിലർ ചൂണ്ടിക്കാട്ടി. ‘മതപരമായ ആഘോഷ വേളകളിൽ ഡ്രസ് കോഡ് വേണമെന്ന്’ ഒരു വിഭാഗം ആളുകൾ അഭിപ്രായപ്പെട്ടു. ‘ഇവരെന്താ പാർട്ടിക്ക് വന്നതാണോ അതോ പൂജയ്ക്ക് വന്നതാണോ ? ചടങ്ങിൽ പങ്കെടുത്ത മറ്റുള്ളവർ മാന്യവും ശരീരം മറയ്ക്കുന്നതുമായ വസ്ത്രങ്ങളാണ് ധരിച്ചിരുന്നതെന്നും’ ചിലർ പറയുന്നു.
‘ഗണപതി ദർശനത്തിനും ഭക്തിനിർഭരമായ ചടങ്ങുകളിൽ പങ്കെടുക്കാനുമല്ലേ നിങ്ങൾ അവിടെ പോകുന്നത്, അല്ലാതെ റാംപ് വാക്കിനല്ലല്ലോ ??’- എന്നാണ് ഒരാൾ കുറിച്ചത്. ‘ആദ്യം കൃതി സനോൺ, ഇപ്പോൾ ദിഷ – വിനായക ചതുർഥിക്ക് ഇത്തരമൊരു വേഷം അനുയോജ്യമാണോ ? ഹിന്ദു ഉത്സവങ്ങളുടെ പവിത്രതയോട് യാതൊരു ആദരവും ബഹുമാനവുമില്ലാത്തവരാണ് ഈ ബോളിവുഡ് താരങ്ങൾ’.- എന്നാണ് വേറൊരാളുടെ കമന്റ്.
എന്നാൽ ദിഷയെ പിന്തുണയ്ക്കുന്നവരും കുറവല്ല. വസ്ത്രധാരണം എന്നത് ഓരോരുത്തരുടെയും വ്യക്തിപരമായ ഇഷ്ടമാണെന്നെന്നും അവർ പറയുന്നു. അടുത്തിടെ രക്ഷാബന്ധനോടനുബന്ധിച്ച് ഒരു ജ്വലറി ബ്രാൻഡിന്റെ പരസ്യത്തിൽ പ്രത്യക്ഷപ്പെട്ട നടി കൃതി സനോണിനും വസ്ത്രധാരണത്തിന്റെ പേരിൽ വിമർശനങ്ങൾ നേരിടേണ്ടി വന്നിരുന്നു. നാനാഭാഗങ്ങളിൽ നിന്നും വിമർശനങ്ങൾ ശക്തമായതോടെ പരസ്യം ഒടുവിൽ പിൻവലിച്ചു.