അപകടത്തിൽ കൈക്ക് ഗുരുതരമായി പരിക്കേറ്റെന്ന് വെളിപ്പെടുത്തി നടൻ അനീഷ് ഗോപാൽ. കൈക്ക് പ്ലാസ്റ്റർ ഇട്ടിരിക്കുന്ന ചിത്രം പങ്കുവെച്ച് കൊണ്ടാണ് അനീഷ് ഈ കാര്യം വെളിപ്പെടുത്തിയിരിക്കുന്നത് തന്റെ മാത്രം പിഴവുകൊണ്ടുണ്ടായ അപകടമാണിതെന്നും, ആറുമണിക്കൂർ നീണ്ട ശസ്ത്രക്രിയയ്ക്ക് വിധേയനായെന്നും അനീഷ് പറഞ്ഞു. അതേസമയം അപകടത്തേക്കുറിച്ചുള്ള കൂടുതൽ വിവരങ്ങൾ അദ്ദേഹം പുറത്തുവിട്ടിട്ടില്ല
“എന്റെ മാത്രം പിഴവ് കൊണ്ട് ഉണ്ടായ ഒരു അപകടം. അഞ്ച് ആറു മണിക്കൂർ നീണ്ട് നിന്ന ശാസ്തക്രിയ. രണ്ടു മൂന്നു മാസം ബെഡ് റസ്റ്റ്. ജീവിതത്തിൽ ഒരു സെക്കന്റ് ചാൻസ് ഉണ്ട്. തിരിച്ചറിവിന്റെ ഒരു സെക്കന്റ് ചാൻസ് . I will come back ………. തനോസിനെ പോലെ ഇരിക്കുന്ന കൈകൾക്കാണ് അപകടം പറ്റിയത് …” അനീഷ് ഗോപാൽ കുറിച്ചു.
മലപ്പുറം ജില്ലയിലെ ചീക്കോട് സ്വദേശിയാണ് അനീഷ് ഗോപാൽ. 2012-ൽ പുറത്തിറങ്ങിയ സെക്കൻഡ് ഷോ എന്ന ചിത്രത്തിലൂടെയാണ് അദ്ദേഹം അഭിനയരംഗത്തെത്തുന്നത്. ടൊവിനോ തോമസ് നായകനായ തീവണ്ടി എന്ന ചിത്രത്തിലെ സഫർ, അർജന്റീന ഫാൻസ് കാട്ടൂർക്കടവിലെ സുനിമോൻ, ഭ്രമം എന്ന ചിത്രത്തിലെ ഓട്ടോക്കാരൻ ലോപ്പസ് തുടങ്ങിയവ അനീഷ് അവതരിപ്പിച്ച് ശ്രദ്ധ നേടിയ ചില കഥാപാത്രങ്ങളാണ്. ബ്ലസൺ എൽസ സംവിധാനംചെയ്ത വിവാഹ എന്ന ചിത്രമാണ് അനീഷ് വേഷമിട്ട് ഒടുവിൽ പുറത്തിറങ്ങിയ ചിത്രം.
നൂറ്റമ്പതോളം ചിത്രങ്ങൾക്ക് പോസ്റ്റർ ഡിസൈൻ ചെയ്ത ‘യെല്ലോ ടൂത്ത്സ്’ എന്ന കമ്പനിയുടെ സാരഥി കൂടിയാണ് അനീഷ്.