സിനിമയിൽ അരങ്ങേറ്റത്തിനൊരുങ്ങി നടനും നിര്മ്മാതാവും തമിഴ്നാട് മന്ത്രിയുമായ ഉദയനിധി സ്റ്റാലിന്റെ മകന് ഇൻപനിധി ഉദയനിധി സ്റ്റാലിൻ.
നാടകാഭിനയ ശില്പശാലകളിൽ ഇൻപനിധി പങ്കെടുക്കുന്നതിന്റെ വീഡിയോ അടുത്തിടെ പുറത്തുവന്നിരുന്നു. മാരി സെൽവരാജ് സംവിധാനം ചെയുന്ന ചിത്രത്തിലൂടെയാണ് ഉദയനിധിയുടെ മകന്റെ അരങ്ങേറ്റം.
ഉദയനിധി സ്റ്റാലിന് 2008 ല് ആരംഭിച്ച നിര്മ്മാണ, വിതരണ കമ്പനിയായ റെഡ് ജയന്റ് മൂവീസിന്റെ ചുമതല 21 കാരനായ ഇന്പനിധി ഉദയനിധി സ്റ്റാലിന് ഏറ്റെടുത്തിട്ടുണ്ട്. 008 ല് പുറത്തിറങ്ങിയ വിജയ് ചിത്രം കുരുവി മുതല് രവി മോഹന് നായകനായ കാതലിക്ക നേരമില്ലൈ വരെ നിരവധി ചിത്രങ്ങള് റെഡ് ജയന്റ് നിര്മ്മിച്ചിട്ടുണ്ട്. കലൈഞ്ജർ ടിവി മാനേജ്മെന്റിലും ഇപ്പോൾ ഇൻപനിധി ഉണ്ട്.
ഇൻപനിധി അടുത്തിടെയായി ഡിഎംകെയുടെ സമ്മേളനങ്ങളിലും സർക്കാരിന്റെ പ്രധാന പരിപാടികളിലും പങ്കെടുക്കുന്നുമുണ്ട്. ഇളയരാജയെ ആദരിച്ച ചടങ്ങിൽ രജനികാന്തിനൊപ്പം ഇൻപനിധിക്ക് മുൻനിരയിൽ കസേര നൽകിയത് സാമൂഹിക മാധ്യമങ്ങളിൽ ചർച്ച ആയിരുന്നു.