വിഖ്യാത ഹോളിവുഡ് സംവിധായകന്‍ റിച്ചാര്‍ഡ് ഡോണര്‍ അന്തരിച്ചു. 91 വയസായിരുന്നു. വാര്‍ദ്ധക്യകാല സഹജമായ അസുഖങ്ങളെ തുടര്‍ന്നാണ് മരണം. റിച്ചാര്‍ഡ് ഡോണറിന്റെ ഭാര്യ ലോറെന്‍ ഷ്യൂലര്‍ ആണ് മരണവാര്‍ത്ത അറിയിച്ചത്. സൂപ്പര്‍മാന്‍ എന്ന സിനിമയിലൂടെ ലോകമെമ്പാടും ആരാധകരെ സ്വന്തമാക്കിയ സംവിധായകനാണ് റിച്ചാര്‍ഡ് ഡോണര്‍.
റിച്ചാര്‍ഡ് ഡോണര്‍ 1961ല്‍ എക്‌സ്- 15 എന്ന സിനിമയിലൂടെയാണ് സംവിധായകനാകുന്നത്. 1976ല്‍ പുറത്തിറങ്ങിയ ദ ഒമെന്‍ എന്ന സിനിമയിലൂടെ റിച്ചാര്‍ഡ് ഡോണര്‍ പ്രശസ്തനായി. 1978ല്‍ സൂപ്പര്‍മാന്‍ എന്ന സിനിമ സംവിധാനം ചെയ്തതോടെ ആഗോളതലത്തിലും റിച്ചാര്‍ഡ് ഡോണര്‍ പ്രശസ്തനായി. സിനിമ വന്‍ ഹിറ്റായി മാറിയിരുന്നു.അക്കാദമി ഓഫ് സയന്‍സ് ഫിക്ഷന്റെ അടക്കം ഒട്ടേറെ അവാര്‍ഡുകള്‍ റിച്ചാര്‍ഡ് ഡോണറിന് ലഭിച്ചിട്ടുണ്ട്.
മിടുക്കനായ അധ്യാപകന്‍, മോട്ടിവേറ്റര്‍, എല്ലാവര്‍ക്കും പ്രിയങ്കരനായ സുഹൃത്ത്, മികച്ച സംവിധായകന്‍ എന്നിങ്ങനെയൊക്കെയായ റിച്ചാര്‍ഡ് ഡോണര്‍ പോയി എന്ന് തനിക്ക് വിശ്വസിക്കാന്‍ കഴിയുന്നില്ല എന്നാണ് സംവിധായകന്‍ സ്റ്റീവന്‍ സ്പില്‍ബെര്‍ഗ് അനുസ്മരിക്കുന്നത്.
സ്റ്റീവൻ സ്പിൽബർഗ്, സീൻ എസ്റ്റിന് തുടങ്ങി ഹോളിവുഡ് സിനിമാ മേഖലയിൽ നിന്ന് നിരവധിപ്പേർ അദ്ദേഹത്തിന്റെ വിയോഗത്തിൽ വേദന പങ്കുവെച്ചിട്ടുണ്ട്. പ്രിയപ്പെട്ട പരിശീലകൻ, മിടുക്കനായ അധ്യാപകൻ, മോട്ടിവേറ്റര്‍, പ്രിയങ്കരനായ സുഹൃത്ത്, മികച്ച സംവിധായകൻ. ഹൃദയം കൊണ്ട് അവൻ ഒരു കുട്ടി ആയിരുന്നു. അവൻ പോയെന്ന് വിശ്വസിക്കാൻ കഴിയുന്നില്ല, എന്നാണ് സ്റ്റീവൻ സ്പിൽബർഗ് പറഞ്ഞത്.
തുടർന്ന് സൂപ്പർമാൻ 2, ലീതൽ വെപ്പൺ സീരീസ് തുടങ്ങി നിരവധി സിനിമകൾ ചെയ്തു. 2006ൽ പുറത്തിറങ്ങിയ 16 ബ്ലോക്‌സ് ആണ് അവസാനമായി സംവിധാനം ചെയ്ത സിനിമ.