തനിക്ക് സൗന്ദര്യം കുറവായതു കൊണ്ടും കോടീശ്വരനുമല്ലാത്തതിനാല്‍ മലയാളികളില്‍ ഒരു വിഭാഗം തന്റെ സിനിമ കാണുന്നില്ലെന്ന് സന്തോഷ് പണ്ഡിറ്റ്. അതേസമയം ചെറിയ ബഡ്ജറ്റില്‍ നിര്‍മ്മിക്കുന്നതിനാല്‍ ഇന്നേവരെ തന്റെ ഒരു സിനിമയും പരാജയപ്പെട്ടിട്ടില്ലെന്നും സന്തോഷ് പണ്ഡിറ്റ് പറയുന്നു.ഫേസ്ബുക്ക് പോസ്റ്റ് വഴിയാണ് താരം ഇക്കാര്യം അറിയിച്ചത്. ജൂണില്‍ പുറത്തിറങ്ങിയ ഉരുക്ക് സതീശന്‍ എന്ന സിനിമ വേണ്ടത്ര വിജയം നേടിയില്ലെന്നും തന്റെ സിനിമകളിലെ ഗാനങ്ങളെ മോശമായാണ് ആളുകള്‍ കാണുന്നതെന്നും സന്തോഷ് പണ്ഡിറ്റ് പറയുന്നു.
സന്തോഷ് പണ്ഡിറ്റിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം:
Dear facebook family,
ഞാന്‍ വെറും 5 ലക്ഷം ബഡ്ജറ്റില്‍ ചെയ്തിരുന്ന സിനിമ ആയിരുന്നു ‘ഉരുക്ക് സതീശന്‍’..
കഴിഞ്ഞ ജൂണില്‍ റിലീസായി.ആവറേജില്‍ ഒതുങ്ങി..
വലിയ ബഡ്ജറ്റ് മുടക്കാത്തതു കൊണ്ടും, താരതമ്യേന എനിക്ക് സൗന്ദര്യം കുറവായതു കൊണ്ടും, ഞാനൊരു കോടീശ്വരന്‍ അല്ലാത്തതു കൊണ്ടും ആകണം ഒരു വിഭാഗം മലയാളികള്‍ എന്റെ സിനിമ കാണുന്നില്ല..യഥാര്‍ത്ഥത്തില്‍ 100ലധികം പുതുമുഖങ്ങളെ അണിനിരത്തി 8 ഗാനങ്ങളും നിരവധി സംഘട്ടനങ്ങളും, ഇഷ്ടം മാതിരി പഞ്ച് ഡയലോഗുകളും, 108 സീനുകളും ഉള്ള സിനിമയായിരുന്നു..’ ‘ഉരുക്ക് സതീശന്‍’..
കേരളത്തോടൊപ്പം ബംഗളൂരു, മൈസൂര്‍, രാജസ്ഥാന്‍, മഹാരാഷ്ട്ര എന്നിവിടങ്ങളില്‍ വെച്ചായിരുന്നു ഷൂട്ടിംങ്..ഭുരിഭാഗം ജോലിയും ഞാന്‍ ഒറ്റക്ക് ചെയ്യുന്നു എന്ന ദേഷ്യത്തിലും , അസൂയ കൊണ്ടും പല വിമര്‍ശകരും ഞാന്‍ ചെയ്തതെന്ത് എന്ന് കാണാറില്ല..എന്നാലോ കാണാത്ത സിനിമയെ കുറിച്ച് കണ്ണു പൊട്ടന്‍ ആനയെ വിലയിരുത്തുംപോല അഭിപ്രായങ്ങളും പറയും..
എനിക്കാരോടും പരിഭവമോ, ഇതാലോചിച്ച് വിഷമവും ഇല്ല.എല്ലാം ഭാവിയില്‍ ശരിയാകും എന്നും വിശ്വസിക്കുന്നു..
എങ്കിലും കണ്ടവരെല്ലാം വളരെ ഹാപ്പിയായ് എന്നറിയുവാന്‍ കഴിഞ്ഞു.
സന്തോഷം..നല്ല ഫീഡും തന്നു..
ഗാനങ്ങളും നല്ല അഭിപ്രായം നേടി..
ചെറിയ ബഡ്ജറ്റില്‍ നിര്‍മ്മിക്കുന്നതിനാല്‍ ഇന്നേവരെ എന്റെ ഒരു സിനിമയും പരാജയപ്പെട്ടില്ല.. അഞ്ചിരട്ടിയോളമൊക്കെ കൂളായ് ലാഭവും കിട്ടുന്നു..
അതാണ് ഞാനെപ്പോഴും കൂളായ് ശാന്തിയോടും, സമാധാനത്തോടേയും ഇരിക്കുന്നെ..
എന്റെ ഈ ശൈലിയും, രീതിയും ശരിയാണ് എന്ന് നിങ്ങള്‍ കരുതുന്നുണ്ടോ..