ദിലീപ് നാരായണന് സംവിധാനം ചെയ്യുന്ന ‘മൈ ഡിയര് മച്ചാന്സ് ‘ ഏപ്രില് 3 ന് റിലീസ് ചെയ്യും. യുവതാരങ്ങളായ അഷ്ക്കര് സൗദാന്, രാഹുല് മാധവ്, ബാല, ആര്യന്, അബിന് ജോണ് എന്നിവരാണ് ചിത്രത്തിലെ മുഖ്യ കഥാപാത്രങ്ങളെ അവതരിപ്പിക്കുന്നത്. വ്യത്യസ്തമായ സൗഹൃദത്തിന്റെ കഥയാണ് ചിത്രം പറയുന്നത്. നാല് സുഹൃത്തുക്കളുടെ ജീവിതത്തില് അപ്രതീക്ഷിതമായി കടന്നുവരുന്ന സംഭവങ്ങളെയും വ്യക്തികളെയും കേന്ദ്രീകരിച്ചാണ് ചിത്രത്തിന്റെ കഥ വികസിക്കുന്നത്. പ്രണയം, കോമഡി, ആക്ഷന് എന്നിവയ്ക്ക് ഏറെ പ്രാധാന്യമുള്ള മൈ ഡിയര് മച്ചാന്സ് ഒരു ഫാമിലി എന്ര്ടെയ്നര് കൂടിയാണ്.
ബെന്സി പ്രൊഡക്ഷന്സിന്റെ ബാനറില് ബെന്സി നാസര് ആണ് ചിത്രം നിര്മ്മിച്ചിരിക്കുന്നത്.നടനും സംവിധായകനും പ്രശസ്ത ക്യാമറാമാനുമായ പി സുകുമാര് ആണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്.