ടൊവിനോ തോമസിനെ നായകനാക്കി ബേസില് ജോസഫ് സംവിധാനം ചെയ്യുന്ന ‘മിന്നല് മുരളി’യുടെ മോഷന് പോസ്റ്റര് പുറത്തുവിട്ടു.മോഹന് ലാലിന്റെ ഫേസ്ബുക്കിലൂടെയാണ് പോസ്റ്റര് പുറത്തുവിട്ടത്.മിന്നല് മുരളി എന്ന സൂപ്പര്ഹീറോ കഥാപാത്രമായാണ് ടൊവിനോ എത്തുന്നത്. ടൊവീനോ തോമസിനെ നായകനാക്കി ബേസില് ജോസഫ് ഒരുക്കുന്ന ‘മിന്നല് മുരളി’ ഓണം റിലീസ് ആയി എത്തും.
മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലുമായാണ് ചിത്രം ഒരുങ്ങുന്നത്. എല്ലാ ഭാഷകളിലെയും പോസ്റ്ററുകള് അണിയറക്കാര് പുറത്തുവിട്ടിരുന്നു.
ജിഗര്തണ്ട, ജോക്കര് എന്നീ ചിത്രങ്ങളിലൂടെ മലയാളികള്ക്കും പരിചിതനായ തമിഴ് താരം ഗുരു സോമസുന്ദരം ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അജു വര്ഗീസ്, ബൈജു, ഹരിശ്രീ അശോകന്, ഫെമിന ജോര്ജ്ജ് തുടങ്ങിയവരാണ് മറ്റ് പ്രധാന താരങ്ങള്. സമീര് താഹിര് ആണ് ഛായാഗ്രഹണം. സംഗീതം ഷാന് റഹ്മാന്.
അരുണ് അനിരുദ്ധന്, ജസ്റ്റിന് മാത്യു എന്നിവര് ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. വിഎഫ്എക്സിനും ഏറെ പ്രാധാന്യമുള്ള ചിത്രത്തിന്റെ വിഎഫ്എക്സ് സൂപ്പര്വൈസര് ആന്ഡ്രൂ ഡിക്രൂസ് ആണ്. വീക്കെന്ഡ് ബ്ലോക്ക്ബസ്റ്റേഴ്സിന്റെ ബാനറില് സോഫിയ പോള് ആണ് നിര്മ്മാണം.ഗോദക്ക് ശേഷം ബേസില് ജോസഫും ടോവിനോ തോമസും ഒന്നികുന്ന സൂപ്പര് ഹീറോ ചിത്രമാണിത്.