
മംമ്ത മോഹന്ദാസിനെ കേന്ദ്ര കഥാപാത്രമാക്കി പ്രശാന്ത് മുരളി സംവിധാനം ചെയ്യുന്ന ‘ലാല്ബാഗ്’ ഡിസംബര് 16 ന് സൗത്ത് ഏഷ്യന് ഇന്റര്നാഷണല് ഫിലിം ഫെസ്റ്റിവലില് ഉല്ഘാടന ചിത്രമായി പ്രദര്ശിപ്പിക്കുന്നു. പൂര്ണമായും ബംഗളൂരില് ചിത്രീകരിച്ച ഈ നോണ് ലീനിയര് സിനിമ മുന്നോട്ട് വെക്കുന്നത് നാഗരിക ജീവിതം സ്ത്രീ പുരുഷ ബന്ധങ്ങളില് ഉണ്ടാക്കുന്ന സങ്കീര്ണ്ണതകള് ആണ്.
ഒരു ബര്ത്ത് ഡേ പാര്ട്ടിയ്ക്ക് ശേഷമുണ്ടാകുന്ന ഒരു കൊലപാതകവും അതിന് മുന്പും ശേഷവുമുണ്ടാകുന്ന സംഭവങ്ങളുമാണ് ചിത്രം പറയുന്നത്. സിജോയ് വര്ഗീസ്, രാഹുല് മാധവ്, നന്ദിനി റായ്, നേഹാ സക്സേന, രാഹുല് ദേവ് ഷെട്ടി, വി കെ പ്രകാശ്, സുദീപ് കാരക്കാട്ട് തുടങ്ങിയവരും ചിത്രത്തില് വേഷമിടുന്നു.സെലിബ്സ് ആന്ഡ് റെഡ്കാര്പെറ്റ് ഫിലിംസിന്റെ ബാനറില് രാജ് സഖറിയാസ് ആണ് ചിത്രം നിര്മ്മിക്കുന്നത്.