നടൻ ധനുഷ് തിരക്കഥയെഴുതി സംവിധാനം ചെയ്യുന്ന ചിത്രം ഇഡ്ലി കടൈയുടെ റിലീസ് തീയതി പുറത്തു വിട്ടു . ചിത്രം ഏപ്രിൽ 14 തീയേറ്ററുകളിൽ എത്തുമെന്നായിരുന്നു ആദ്യം പുറത്തു വിട്ടിരുന്നത്. ഒക്ടോബർ ഒന്നിന് ചിത്രം ലോകമെമ്പാടും റിലീസ് ചെയ്യും എന്നാണ് പുതിയ പ്രഖ്യാപനം. ധനുഷ് തന്നെയാണ് ചിത്രത്തിൽ പ്രധാന വേഷത്തിൽ എത്തുന്നതും. ഒരു ഫാമിലി ഡ്രാമ സ്വഭാവത്തിൽ പുറത്തിറങ്ങുന്ന സിനിമയിൽ നിത്യ മേനനും രാജ്കിരണും പ്രധാന വേഷങ്ങളിൽ എത്തുന്നുണ്ട്.
സിനിമയുടെ ഒടിടി റൈറ്റ്സ് 45 കോടിക്ക് നെറ്റ്ഫ്ലിക്സ് നേടിയിട്ടുണ്ട്. ചിത്രത്തിന്റെ ഫസ്റ്റ് ലുക്ക് പോസ്റ്ററുകൾ അണിയറപ്രവർത്തകർ നേരത്തെ പുറത്തിറക്കിയിരുന്നു. വെള്ള മുണ്ടും ഷര്ട്ടും ധരിച്ച് ഇരു കയ്യിലും ചില സാധനങ്ങളുമായി നില്ക്കുന്ന ധനുഷാണ് ഫസ്റ്റ് ലുക്കില് ഉള്ളത്. ധനുഷ് ചെറുപ്പം ലുക്കിലെത്തുന്ന മറ്റൊരു പോസ്റ്ററും പുറത്തുവന്നിട്ടുണ്ട്. ഇതില് രാജ് കിരണിന്റെ കഥാപാത്രത്തെയും കാണാം.
ചിത്രത്തിൽ അരുൺ വിജയ്യും ഒരു പ്രധാന വേഷത്തിൽ എത്തുന്നുണ്ട്. ഒരു ബോക്സറുടെ വേഷത്തിലാണ് അരുൺ വിജയ് എത്തുന്നതെന്നാണ് നേരത്തെ പുറത്തുവന്ന പോസ്റ്റർ സൂചിപ്പിക്കുന്നത്. ധനുഷിന്റെ കരിയറിലെ 52 -ാം ചിത്രവും നാലാമത്തെ സംവിധാന സംരംഭവുമാണ് ഇഡ്ലി കടൈ. പാണ്ടി, രായന്, നിലാവ്ക്ക് എന് മേല് എന്നടി കോപം എന്നീ ചിത്രങ്ങളാണ് നേരത്തെ ധനുഷ് സംവിധാനം ചെയ്തത്. ഡൗണ് പിക്ചേഴ്സിന്റെ ബാനറില് ആകാശ് ഭാസ്കരനും ധനുഷും ചേര്ന്നാണ് ‘ഇഡ്ലി കടൈ’ നിര്മിക്കുന്നത്. ഡൗണ് പിക്ചേഴ്സിന്റെ ആദ്യ നിര്മാണസംരംഭം കൂടിയാണ് ചിത്രം. ജി വി പ്രകാശ് കുമാറാണ് സംഗീതം.