ആദ്യ ദിനം തന്നെ മികച്ച പ്രതികരണമാണ് ആലപ്പുഴ ആലപ്പുഴ ജിംഖാന നേടിയെടുത്തത്. ഇപ്പോഴിതാ സിനിമയുടെ ആദ്യദിന കളക്ഷൻ റിപ്പോർട്ടുകളാണ് പുറത്തു വരുന്നത്. ചിത്രം ആദ്യദിനത്തിൽ 2.75 കോടി രൂപ ഇന്ത്യയില് നിന്ന് നേടിയ നെറ്റ് കളക്ഷന് നേടിയതായാണ് പ്രമുഖ ട്രാക്കര്മാരായ സാക്നില്ക് റിപ്പോർട്ട് ചെയ്യുന്നത്. കേരളത്തില് നിന്നും 1.45 കോടിയാണ് ചിത്രം അഡ്വാന്സ് ബുക്കിങ്ങിലൂടെ നേടിയത്.
തല്ലുമാല’യ്ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രം എന്നതിനാൽ തന്നെ സിനിമാപ്രേമികൾ ഏറെ പ്രതീക്ഷയോടെ കാത്തിരുന്ന ചിത്രമായിരുന്നു ആലപ്പുഴ ജിംഖാന. നസ്ലൻ, ഗണപതി, ലുക്മാൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്.
സ്പോര്ട്സ് കോമഡി എന്ന ജോണറിനോട് സിനിമ നീതി പുലര്ത്തിയെന്നും അഭിപ്രായങ്ങളുണ്ട്.
പ്ലാൻ ബി മോഷൻ പിക്ചേഴ്സിന്റെ ബാനറിൽ ഖാലിദ് റഹ്മാൻ, ജോബിൻ ജോർജ്, സമീർ കാരാട്ട്, സുബീഷ് കണ്ണഞ്ചേരി എന്നിവർ ചേർന്നാണ് ചിത്രം നിർമിച്ചത്. പ്ലാൻ ബി മോഷൻ പിക്ചർസിന്റെ ആദ്യ നിർമാണ സംരംഭം കൂടിയായിരുന്നു ഇത്. സന്ദീപ് പ്രദീപ്, ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത് തുടങ്ങിയവരാണ് സിനിമയിലെ മറ്റു പ്രധാന അഭിനേതാക്കൾ. ഖാലിദ് റഹ്മാൻ തന്നെയാണ് സിനിമയ്ക്കായി തിരക്കഥ എഴുതിരുന്നത്. രതീഷ് രവിയാണ് സംഭാഷണം. ഛായാഗ്രഹണം ജിംഷി ഖാലിദ്, സംഗീതം വിഷ്ണു വിജയ്. മുഹ്സിൻ പരാരിയാണ് ചിത്രത്തിലെ ഗാനങ്ങൾക്കായി വരികൾ എഴുത്തിയത്.