അജിത് കുമാറും ആദിക് രവിചന്ദ്രനും ഒന്നിക്കുന്ന പുതിയ ആക്ഷൻ ചിത്രമായ ‘ഗുഡ് ബാഡ് അഗ്ലി’ ആരാധകരും സിനിമാസ്വാദകരും വലിയ ആവേശത്തോടെയാണ് കാത്തിരിക്കുന്നത് . വമ്പൻ ബഡ്ജറ്റിൽ ഒരുങ്ങുന്ന സിനിമയുടെ ട്രെയ്ലർ പുറത്തുവന്നതോടെ ആരാധകർ ആഘോഷമാക്കിയെങ്കിലും സാമൂഹ്യ മാധ്യമങ്ങളിൽ നിന്ന് ചില വിമർശനങ്ങളും ഉയര്ന്നിട്ടുണ്ട്.
ട്രെയ്ലർ അടിസ്ഥാനമാക്കിയാണ് പ്രേക്ഷകർ ചോദ്യങ്ങൾ ഉയർത്തുന്നത്—പുതിയ ഡയലോഗുകൾ എവിടെയാണ്? ട്രെയ്ലർ ചോദിച്ചപ്പോൾ കിട്ടിയത് ഒരു മാഷപ്പ് ആണെന്നും, ജി.വി പ്രകാശ് കുമാറിന്റെ ബാക്ക്ഗ്രൗണ്ട് സ്കോറും പ്രതീക്ഷ പൂരിപ്പിച്ചില്ലെന്നുമാണ് ചിലർ പറയുന്നത്. ചിത്രത്തിന്റെ വിഷ്വലുകൾക്ക് അനുസൃതമായ സംഗീതം ലഭിച്ചില്ലെന്നും ട്രെയ്ലർ ഒരു സ്പൂഫ് പോലെയാണെന്നും ചില കമന്റുകളുണ്ട്. അതേസമയം, അജിത്തിന്റെ ലുക്ക് മാത്രമാണ് വർക്കായതെന്ന തരത്തിലുള്ള അഭിപ്രായങ്ങളും ഉയരുന്നുണ്ട്.
എങ്കിലും അജിത്തിന്റെ ആരാധകർ ട്രെയ്ലറിനെ വലിയ സ്വീകരണത്തോടെ ഏറ്റെടുത്തിരിക്കുകയാണ്. സിനിമയുടെ അഡ്വാൻസ് ബുക്കിംഗ് ആരംഭിച്ച പത്ത് മണിക്കൂറിനുള്ളിൽ തന്നെ 66,820 ടിക്കറ്റുകൾ വിറ്റഴിച്ചതായും, ചില തിയേറ്ററുകളിൽ ബുക്കിംഗ് തുടങ്ങും മുമ്പേ ടിക്കറ്റുകൾ ഫുൾ ആയതായും റിപ്പോർട്ടുകളുണ്ട്. ഇപ്പോഴത്തെ പ്രീ-സെയിൽ കണക്കുകൾ പ്രകാരം ‘ഗുഡ് ബാഡ് അഗ്ലി’ ഇതിനകം തന്നെ 4.39 കോടി രൂപ സ്വന്തമാക്കിയതായാണ് ട്രക്കേഴ്സിന്റെ വിവരം. ചിത്രത്തിന് ഒരു ബമ്പർ ഓപ്പണിങ് ഉറപ്പാണെന്ന് ട്രേഡ് അനലിസ്റ്റുകൾ കണക്കുകൂട്ടുന്നു.
ഏപ്രിൽ 10-ന് തിയേറ്ററുകളിലെത്തുന്ന സിനിമയുടെ റൺ ടൈം 2 മണിക്കൂർ 18 മിനിറ്റാണ്. വർഷങ്ങൾക്ക് ശേഷം നദി സിമ്രാൻ ഒരു പ്രധാന വേഷത്തിലെത്തുന്നു എന്ന പ്രത്യേകതയും സിനിമയ്ക്കുണ്ട്. പ്രിയാ വാര്യർ, ഷൈൻ ടോമി ചാക്കോ, സുനിൽ, പ്രസന്ന, തൃഷ തുടങ്ങിയവരാണ് ചിഗോത്രത്തിലെ മറ്റു പ്രധാന അഭിനേതാക്കൾ. ‘മാർക്ക് ആന്റണി’യുടെ വിജയത്തിനു ശേഷം സംവിധായകൻ ആദിക് രവിചന്ദ്രൻ സംവിധാനം ചെയ്യുന്ന ചിത്രം കൂടിയാണ് ഇത് . ഛായാഗ്രഹണം അഭിനന്ദൻ രാമാനുജയുടേതാണ്.