നടൻ മോഹൻലാലിനെതിരെ വിവാദ പ്രസ്താവനയുമായി സിപിഐഎം എംഎൽഎ യു പ്രതിഭ. മോഹൻലാൽ നടത്തുന്ന ഒരു ഒളിഞ്ഞുനോട്ട പരിപാടിയുണ്ടെന്നും, അനശ്വരനടനാണ് ഈ പരിപാടി ചെയ്യുന്നതും യു പ്രതിഭ വിമർശിച്ചു. കൂടാതെ നാട്ടിൽ ഉദ്ഘാടനങ്ങൾക്ക് ഇപ്പോൾ തുണിയുടുക്കാത്ത താരങ്ങളെ മതിയെന്നും യു പ്രതിഭ കൂട്ടിച്ചേർത്തു. കഴിഞ്ഞ ദിവസം കായംകുളത്ത് നടന്ന സാംസ്കാരിക പരിപാടിക്കിടെയാണ് യു പ്രതിഭ വിവാദ പ്രസ്താവന നടത്തിയത്.
” മോഹൻലാൽ നടത്തുന്ന ഒരു ഒളിഞ്ഞുനോട്ട പരിപാടിയുണ്ട്. മറ്റുള്ളവർ ഉറങ്ങുന്നത് ഒളിഞ്ഞു നോക്കുകയും അവരുടെ വസ്ത്രം ഇറുങ്ങിയതാണോ എന്ന് കമന്റ് ചെയ്യുകയും ചെയ്യുന്നതാണ് പരിപാടി. അനശ്വരനടനാണ് ഈ പരിപാടി ചെയ്യുന്നത്. ജനാധിപത്യത്തിൽ വരേണ്ടത് താര രാജാക്കന്മാർ അല്ല. ജനങ്ങൾക്കിടയിൽ പ്രവർത്തിക്കുന്ന പച്ച മനുഷ്യരാണെന്നും ധൈര്യത്തോടെ പറയാൻ നമ്മൾ തയ്യാറാവണം”. യു പ്രതിഭ പറഞ്ഞു
“നാട്ടിൽ ഉദ്ഘാടനങ്ങൾക്ക് ഇപ്പോൾ തുണിയുടുക്കാത്ത താരങ്ങളെ മതി. തുണിയുടുക്കാത്ത താരം വന്നാൽ എല്ലാവരും ഇടിച്ചു കയറുകയാണ്. അത് നിർത്താൻ പറയണം. അവരോട് തുണിയുടുത്ത് വരാൻ പറയണം. ഇത് സദാചാരം എന്ന് പറഞ്ഞ് എന്റെ നേരെ ആരും വരരുത്. മാന്യമായി വസ്ത്രം ധരിക്കുകയാണ് വേണ്ടത്”.