സിനിമാ കോണ്ക്ലേവ് ഓഗസ്റ്റ് രണ്ട്, മൂന്ന് തിയ്യതികളില് തിരുവനന്തപുരത്ത് വെച്ച് നടക്കും. കോണ്ക്ലേവില് നിന്നും ലഭിക്കുന്ന നിര്ദ്ദേശങ്ങളുടേയും മറ്റും അടിസ്ഥാനത്തില് ആറ് മാസനത്തിനകം സിനിമാ നയം പ്രഖ്യാപിക്കും. കോണ്ക്ലേവില് മോഹന്ലാല്, സുഹാസിനി, മണിരത്നം എന്നിവര് പങ്കെടുക്കും.
കേരള നിയമസഭാ സമുച്ചയത്തിലെ ശങ്കര നാരായണന് തമ്പി ഹാളില് വെച്ചാണ് പരിപാടി സംഘടിപ്പിക്കുക. മുഖ്യമന്ത്രി പിണറായി വിജയന് ഉദ്ഘാടനം നിര്വഹിക്കുന്ന പരിപാടിക്ക് സാംസ്കാരിക വകുപ്പ് മന്ത്രി സജി ചെറിയാൻ അദ്ധ്യക്ഷത വഹിക്കും.
കോണ്ക്ലേവില് സിനിമാ മേഖലയുമായി ബന്ധപ്പെട്ട വിവിധ സെഷനുകളില് സമഗ്രമായ ചര്ച്ചകള് നടക്കും. ചര്ച്ചയില് ഉയര്ന്നുവരുന്ന ആശയങ്ങള് ക്രോഡീകരിച്ചാവും സിനിമാ നയത്തില് ഉള്പ്പെടുത്തുക. കോണ്ക്ലേവില് വിവിധ സംസ്ഥാനങ്ങളിലെ പ്രതിനിധികള്, നാഷണല് ഫിലിം ഡെവലപ്പ്മെന്റ് കോര്പ്പറേഷന്, വാര്ത്താവിനിമയ പ്രക്ഷേപണ മന്ത്രാലയം, കേന്ദ്ര-സംസ്ഥാന മന്ത്രിമാര്, സാംസ്കാരിക-ടൂറിസം മന്ത്രാലയം എന്നിവിടങ്ങളിലെ പ്രതിനിധികള്, ഇന്ത്യന് സിനിമാ മേഖലയില് നിന്നുള്ളവര്, അന്താരാഷ്ട്ര സിനിമയിലെ പ്രമുഖര്, സാമൂഹിക സാംസ്കാരിക പ്രവര്ത്തകര്, വിവിധ സിനിമാ സംഘടനകള്, തൊഴില്-നിയമ രംഗങ്ങളിലെ വിദഗ്ധര് തുടങ്ങിയവര് പങ്കെടുക്കും.