മകളുടെ സിനിമാ പ്രവേശനത്തെക്കുറിച്ച് തുറന്നു സംസാരിച്ച് നടൻ മോഹൻലാൽ. തന്റെ മകളാണെന്ന് പറഞ്ഞതു കൊണ്ട് മാത്രം കാര്യമില്ലെന്നും കഴിവ് തെളിയിക്കേണ്ടത് അവരാണെന്നും മോഹൻലാൽ പറഞ്ഞു. റിപ്പോര്ട്ടര് ഫിലിംസിന് നല്കിയ അഭിമുഖത്തിൽ സംസാരിക്കുകയായിരുന്നു അദ്ദേഹം.
‘മകള് സിനിമയിലേക്ക് വരുമ്പോള് അച്ഛന് മകള് എന്നൊന്നുമില്ല, അവരുടെ ഇഷ്ടത്തിന് ജീവിക്കാന് നമ്മള് സമ്മതം കൊടുക്കുക എന്നതാണ്. അവര്ക്ക് അഭിനയിക്കണമെന്ന് പറഞ്ഞ് അവര് സിനിമയിലേക്ക് വന്നു. ഇനി അവരാണ് കഴിവ് തെളിയിക്കേണ്ടത്. അല്ലാതെ എന്റെ മകളാണെന്ന് പറഞ്ഞിട്ട് കാര്യമില്ല. അപ്പുവൊക്കെ വളരെ കുറച്ച് സിനിമ ചെയ്യാന് ഇഷ്ടപ്പെടുന്ന ആളാണ്, എങ്ങനെ സിനിമ ചെയ്യാതിരിക്കണമെന്ന് ആലോചിച്ച് നടക്കുന്ന ആളാണ്.’ മോഹന്ലാല് പറഞ്ഞു.
“തുടക്കം” ആണ് വിസ്മയ ആദ്യമായി അഭിനയിക്കുന്ന ചിത്രം. മോഹന്ലാലും ചിത്രത്തിലൊരു അതിഥി വേഷത്തിലെത്തുന്നുണ്ട്. ജൂഡ് ആന്തണി ജോസഫ് ആണ് ചിത്രം സംവിധാനം ചെയ്യുന്നത്. അതേസമയം പ്രണവ് മോഹന്ലാല് ഒടുവിലായി അഭിനയിച്ച് പുറത്തിറങ്ങിയ ചിത്രം “ഡീയസ് ഈറെയാണ്”. ചിത്രം ബോക്സ് ഓഫീസില് വലിയ വിജയം നേടുകയും പ്രണവിന്റെ പ്രകടനം കയ്യടി നേടുകയും ചെയ്തിരുന്നു.
ദൃശ്യം 3 ആണ് മോഹന്ലാലിന്റെ പുതിയ ചിത്രം. ഏഴ് ദിവസം കൊണ്ട് തന്നെ ബോക്സ് ഓഫീസില് 200 കോടി നേടാന് ദൃശ്യം 3യ്ക്ക് സാധിച്ചു. മോഹന്ലാലിന്റെ കരിയറിലെ മൂന്നാമത്തെ 200 കോടി ചിത്രമാണ് ദൃശ്യം 3. തരുണ് മൂര്ത്തിയൊരുക്കുന്ന അതിമനോഹരം ഉള്പ്പടെ നിരവധി സിനിമകള് മോഹന്ലാലിന്റേതായി അണിയറയിലുണ്ട്.