ഇരട്ടക്കുട്ടികളുടെ പേരിടൽ ചടങ്ങിന്റെ സന്തോഷം പങ്കിട്ട് നടൻ വിഷ്ണു ഉണ്ണികൃഷ്ണൻ. വിനായക്, കാർത്തികേയ എന്നാണ് കുഞ്ഞുങ്ങൾക്ക് പേരുകൾ നൽകിയത്. കുടുംബത്തിനൊപ്പമുള്ള ചിത്രവും കുറിപ്പിനൊപ്പം താരം പങ്കുവെച്ചിട്ടുണ്ട്. “മാധവന്റെ അനിയന്മാർക്ക് പേരിട്ടു. കുഞ്ഞാവകൾ ഇനി മുതൽ, വിനായക് ആൻഡ് കാർത്തികേയ”, എന്നായിരുന്നു വിഷ്ണുവിന്റെ കുറിപ്പ്.
കഴിഞ്ഞ മാസമാണ് വിഷ്ണു ഇരട്ടക്കുട്ടികളുടെ അച്ഛനായത്. വിനയ് ഫോർട്ട്, ശിവദ, സുധി കോപ്പ, മണികണ്ഠൻ തുടങ്ങി നിരവിധി താരങ്ങൾ ആശംസകളുമായെത്തി. 2020 ഫെബ്രുവരിയിൽ വിവാഹിതരായ വിഷ്ണുവിനും ഐശ്വര്യയ്ക്കും മാധവ് എന്ന മകനുമുണ്ട്. ഇടിയൻ ചന്തു, താനാര തുടങ്ങിയ ചിത്രങ്ങളാണ് വിഷ്ണുവിൻ്റേതായി അവസാനമായി പുറത്തിറങ്ങിയത്. നാദിർഷ സംവിധാനം ചെയ്യുന്ന മാജിക് മഷ്റൂംസ്, ഈസ്റ്റ് കോസ്റ്റ് വിജയൻ ഒരുക്കുന്ന ഭീഷ്മർ എന്നീ ചിത്രങ്ങളാണ് അണിയറയിൽ ഒരുങ്ങുന്നത്.