ആദായ നികുതി വകുപ്പ് പിഴ ചുമത്തിയ സംഭവത്തില് നടപടി ചോദ്യം ചെയ്ത് വിജയ് സമര്പ്പിച്ച ഹര്ജി തള്ളി മദ്രാസ് ഹൈക്കോടതി. 2015-16 കാലത്തെ ആദായ നികുതിയുമായി ബന്ധപ്പെട്ട കേസിലാണ് നടപടി. ഹര്ജിയില് കഴിഞ്ഞ മാസം വാദം കേട്ട ജസ്റ്റിസ് സെന്തില്കുമാര് രാമമൂര്ത്തി പിന്നീട് വിധി പറയാന് മാറ്റുകയായിരുന്നു.
2016-17 കാലഘട്ടത്തില് 35.42 കോടിയായിരുന്നു വിജയ് വരുമാനമായി രേഖപ്പെടുത്തിയത്. എന്നാല് ആദായ നികുതി വകുപ്പ് വിജയുമായി ബന്ധപ്പെട്ട ഇടങ്ങളില് നടത്തിയ പരിശോധനയില് കണ്ടെടുത്ത രേഖകള് പ്രകാരം ഇക്കാലയളവില് ‘പുലി’ എന്ന ചിത്രത്തിന് പ്രതിഫലമായി 15 കോടി വാങ്ങിയിരുന്നു. ഈ ഇടപാട് രേഖപ്പെടുത്തിയില്ലെന്നായിരുന്നു ആദായ നികുതി വകുപ്പിന്റെ കണ്ടെത്തല്. ഇത് പ്രകാരമാണ് ആദായ നികുതി വകുപ്പ് 1.5 കോടി രൂപ വിജയ്ക്ക് പിഴ ചുമത്തിയത്. ഈ നടപടി ചോദ്യം ചെയ്യാതായിരുന്നു വിജയ് കോടതിയെ സമീപിച്ചത്. ഹര്ജി പരിഗണിച്ച സിംഗിള് ബെഞ്ച് പിഴ ചുമത്തിയ നടപടി സ്റ്റേ ചെയ്തിരുന്നു.