ദിലീപിന്റെ കരിയറിലെ 150-ാമത്തെ ചിത്രമായ ‘പ്രിൻസ് ആന്റ് ഫാമിലി’ യിലെ പുതിയ ഗാനം ‘മായുന്നല്ലോ’ പുറത്തിറങ്ങി. ജേക്സ് ബിജോയിയുടെ ശബ്ദത്തിലാണ് വിഷാദം നിറഞ്ഞ ഈ ഗാനം പ്രേക്ഷകരുടെ മുന്നിലേക്ക് എത്തിയത് . ഗാനം ഒരുക്കിയിരിക്കുന്നതും ആലപിച്ചതും സംഗീത സംവിധായകൻ ജേക്സ് ബിജോയി തന്നെയാണ്. ടിറ്റോ പി തങ്കച്ചൻ എഴുതിയ വരികൾക്ക് സനൽ ദേവാണ് സംഗീതം നൽകിയിരിക്കുന്നത്.
. “‘പ്രിൻസ്’ എന്ന നായകന്റെ വികാരങ്ങൾ പാട്ടിലൂടെയാണ് പ്രേക്ഷകരിലേക്ക് എത്തുന്നത്. അതുകൊണ്ടുതന്നെ ആ പാട്ട് ആലപിക്കാൻ ഏറ്റവും അനുയോജ്യനായ വ്യക്തിയെന്ന നിലയിൽ ജേക്സിനെയാണ് തിരഞ്ഞെടുത്തത്,” എന്ന് ദിലീപ് വ്യക്തമാക്കിയിരുന്നു.
“ഹൃദയത്തിൽ സ്പർശിക്കുന്ന ഗാനം” എന്ന രീതിയിലാണ് ആരാധകർ സോഷ്യൽ മീഡിയയിലൂടെയും കമന്റുകളിലൂടെയും പ്രതികരിക്കുന്നത്.
ഈയിടെ പുറത്തിറങ്ങിയ ചിത്രത്തിലെ മറ്റൊരു ഗാനം ‘ഹാർട്ട്ബീറ്റ് കൂടണു’ എന്ന ഗാനവും ശ്രദ്ധിക്കപ്പെട്ടിരുന്നു. ആ ഗാനം പാടിയത് അഫ്സൽ ആയിരുന്നു.
മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിച്ച് പുതുമുഖ സംവിധായകനായ ബിന്റോ സ്റ്റീഫൻ സംവിധാനം ചെയ്യുന്ന ഈ ചിത്രത്തിന് കഥ, തിരക്കഥ, സംഭാഷണം ഒരുക്കിയിരിക്കുന്നത് ഷാരിസ് മുഹമ്മദ് ആണ്. ‘ജനഗണമന’, ‘മലയാളി ഫ്രം ഇന്ത്യ’ എന്നീ ചിത്രങ്ങൾക്ക് ശേഷം ഷാരിസ് ഒരുക്കുന്ന കുടുംബ ചിത്രം കൂടിയാണിത്.
ചിത്രം മെയ് 9ന് തിയറ്ററുകളിൽ എത്തും. ചിത്രത്തിൽ ദിലീപിനൊപ്പം ധ്യാൻ ശ്രീനിവാസൻ, ജോസ് കുട്ടി ജേക്കബ്, ബിന്ദു പണിക്കർ, സിദ്ദീഖ്, മഞ്ജു പിള്ള, ഉർവശി, ജോണി ആന്റണി, അശ്വിൻ ജോസ്, റോസ്ബെത് ജോയ്, പാർവതി രാജൻ ശങ്കരാടി എന്നിവരും നിരവധി പുതുമുഖങ്ങളും ചിത്രത്തിൽ അണിനിരക്കുന്നുണ്ട്.
ഛായാഗ്രഹണം: രെണ ദിവെ, എഡിറ്റിംഗ്: സാഗർ ദാസ്, സൗണ്ട് മിക്സ്: എം.ആർ. രാജകൃഷ്ണൻ, കോ പ്രൊഡ്യൂസർ: ജസ്റ്റിൻ സ്റ്റീഫൻ, ലൈൻ പ്രൊഡ്യൂസർ: സന്തോഷ് കൃഷ്ണൻ, എക്സിക്യൂട്ടീവ് പ്രൊഡ്യൂസർ: നവീൻ പി തോമസ്, ആർട്ട്: അഖിൽ രാജ് ചിറയിൽ, വസ്ത്രാലങ്കാരം: സമീറ സനീഷ്, വെങ്കി, മേക്കപ്പ്: റഹീം കൊടുങ്ങല്ലൂർ, കോറിയോഗ്രഫി: പ്രസന്ന, ജിഷ്ണു, പ്രൊഡക്ഷൻ കൺട്രോളർ: പ്രജീഷ് പ്രഭാസൻ, പിആർഓ: മഞ്ജു ഗോപിനാഥ്, സ്റ്റിൽസ്: പ്രേംലാൽ പട്ടാഴി, കാസ്റ്റിങ് ഡയറക്ടർ: ബിനോയ് നമ്പാല, ഡിസൈൻസ്: യെല്ലോ ടൂത്ത്സ്, മാർക്കറ്റിങ്: സൗത്ത് ഫ്രെയിംസ് എന്റർടൈൻമെന്റ്, ഡിജിറ്റൽ പ്രമോഷൻസ്: ഒബ്സ്ക്യൂറ എന്റർടൈൻമെന്റ്, പരസ്യം: ബ്രിങ് ഫോർത്ത്, വിതരണം: മാജിക് ഫ്രെയിംസ് റിലീസ്