ആസിഫ് അലിയെ നായകനാക്കി താമര് സംവിധാനം ചെയ്യുന്ന ‘സര്ക്കീട്ട്’ എന്ന ചിത്രത്തിലെ രണ്ടാമത്തെ ഗാനം പുറത്തിറങ്ങി. ഇന്നലെ വൈകിട്ടാണ് ഗാനം പുറത്തിറങ്ങിയത്. ‘ഹോപ്പ് സോങ്’ എന്ന് പേരിട്ടിരിക്കുന്ന ഗാനം കപില് കപിലനാണ് ആലപിച്ചിരിക്കുന്നത്. ഗാനത്തിന് സംഗീതം നൽകിയിരിക്കുന്നത് ഗോവിന്ദ് വസന്തയാണ്. അന്വര് അലിയുടേതാണ് വരികള്.
പൂർണ്ണമായും ഗൾഫ് രാജ്യങ്ങളിലാണ് “സർക്കീട്ട്” ചിത്രീകരിച്ചത്. യുഎഇ, ഷാർജ, റാസൽ ഖൈമ, ഫുജൈറ എന്നിവിടങ്ങളിലായി 40 ദിവസം കൊണ്ട് ഒരുക്കിയ ഈ ഫാമിലി ഡ്രാമയുടെ ഷൂട്ടിംഗ് അടുത്തിടെയാണ് പൂർത്തിയായത്. അജിത് വിനായക ഫിലിംസ് നിർമ്മിക്കുന്ന എട്ടാമത്തെ ചിത്രമാണിത്. സഹനിർമ്മാണം ഫ്ളോറിൻ ഡൊമിനിക്. ആസിഫ് അലി നായകനായെത്തുന്ന ചിത്രത്തിൽ നായികാ വേഷം ചെയ്തിരിക്കുന്നത് ദിവ്യ പ്രഭ ആണ്. ദീപക് പറമ്പോൾ, ബാലതാരം ഓർഹാൻ, രമ്യ സുരേഷ്, പ്രശാന്ത് അലക്സാണ്ടർ, സ്വാതിദാസ് പ്രഭു, ഗോപൻ അടാട്ട്, സിൻസ് ഷാൻ എന്നിവരാണ് ചിത്രത്തിലെ മറ്റു പ്രധാന താരങ്ങൾ.
ഛായാഗ്രഹണം- അയാസ് ഹസൻ, സംഗീതം- ഗോവിന്ദ് വസന്ത, എഡിറ്റർ- സംഗീത് പ്രതാപ്, പ്രൊജക്റ്റ് ഡിസൈനർ- രഞ്ജിത് കരുണാകരൻ, കലാസംവിധാനം – വിശ്വനാഥൻ അരവിന്ദ്, വസ്ത്രാലങ്കാരം – ഇർഷാദ് ചെറുകുന്ന്, മേക്കപ്പ് – സുധി, ലൈൻ പ്രൊഡക്ഷൻ – റഹിം പിഎംകെ, സിങ്ക് സൗണ്ട്- വൈശാഖ്, പിആർഒ- വൈശാഖ് വടക്കേവീട്, ജിനു അനിൽകുമാർ, പോസ്റ്റർ ഡിസൈൻ- ഇല്ലുമിനാർട്ടിസ്റ്റ്, സ്റ്റിൽസ്- എസ്ബികെ ഷുഹൈബ്.
ചിത്രത്തിലെ ജെപ്പ് സോംഗ് എന്ന മറ്റൊരു ഗാനം നേരത്തെ പുറത്തിറങ്ങിയിരുന്നു. ചിത്രത്തിലെ കേന്ദ്രകഥാപാത്രങ്ങളായ ആമീറിനെയും ജെഫ്റോണിനെയും അവതരിപ്പിക്കുന്നത് ആസിഫ് അലിയും ബാലതാരം ഓര്ഹാനുമാണ്. ഇരുവരുടെയും സൗഹൃദ ബന്ധത്തിന്റെ കഥയാണ് ചിത്രം പറയുന്നത്. ഒരു ഫീല് ഗുഡ് ഇമോഷണല് സിനിമയാകും സര്ക്കീട്ട് എന്ന സൂചന നേരത്തെ തന്നെ അണിയറ പ്രവര്ത്തകര് പ്രേക്ഷകര്ക്ക് സമ്മാനിച്ചിരുന്നു. മെയ് 8ന് ലോകമെമ്പാടുമുള്ള തീയേറ്ററുകളില് ചിത്രം പ്രദര്ശനത്തിനെത്തും.
കരിയറിലെ ഏറ്റവും വലിയ ഹിറ്റുകളായ കിഷ്കിന്ധാ കാണ്ഡം, രേഖാചിത്രം എന്നീ ബ്ലോക്ക് ബസ്റ്റര് സിനിമകള്ക്ക് ശേഷം ആസിഫ് അലി നായകനാകുന്ന സര്ക്കീട്ട് ഏറെ പ്രതീക്ഷകള് സമ്മാനിക്കുന്ന സിനിമയാണ്. മികച്ച അഭിപ്രായത്തോടെ പ്രേക്ഷകര് ഏറ്റെടുത്ത പൊന്മാന് എന്ന ചിത്രത്തിന് ശേഷം അജിത് വിനായക ഫിലിംസ് വിത്ത് ആക്ഷന് ഫിലിംസിന്റെ ബാനറില് വിനായക അജിത്, ഫ്ളോറിന് ഡൊമിനിക്ക് എന്നിവര് ചേര്ന്ന് നിര്മ്മിക്കുന്ന ചിത്രമാണിത്.
പ്രേക്ഷകരും നിരൂപകരും ഒരുപോലെ പ്രശംസിച്ച ആയിരത്തൊന്നു നുണകള് എന്ന ചിത്രത്തിന് ശേഷം താമര് ഒരുക്കുന്ന ചിത്രം കൂടിയാണ് ഇത്. ആഗോളതലത്തില് ശ്രദ്ധ നേടിയ ഓള് വീ ഇമാജിന് ഏസ് ലൈറ്റ് എന്ന ചിത്രത്തിന് ശേഷം ദിവ്യ പ്രഭ നായികയാവുന്ന ചിത്രം കൂടിയാണ് സര്ക്കീട്ട്. സംസ്ഥാന പുരസ്കാര ജേതാവും നടനും കൂടിയായ സംഗീത് പ്രതാപാണ് ചിത്രത്തിന്റെ എഡിറ്റിങ് നിര്വഹിക്കുന്നത്.