പപ്പരാജി എന്റർടെയിൻമെന്റ്, സൺസിറ്റി എൻഡിവേഴ്സ് പ്രൈവറ്റ് ലിമിറ്റഡ് എന്നിവരുടെ സഹകരണത്തോടെ, മലയാളിയായ വിനിൽ വാസു സംവിധാനം ചെയ്യുന്ന, സണ്ണി ലിയോൺ ഡബിൾ റോളിൽ അഭിനയിക്കുന്ന ഏറ്റവും പുതിയ സിനിമാ “കൗർ vs കോർ – Conflict of Faith” പ്രഖ്യാപിച്ചു. 2070-ലെ പശ്ചാത്തലത്തിൽ faith, identity, survival എന്നിവയിൽ ആധാരമായ ശക്തമായ കഥയാണ് കൗർ vs കോർ – Conflict of Faith പറയുന്നത്. ശാസ്ത്രവും വിശ്വാസവും ഏറ്റുമുട്ടുന്ന ലോകത്തിന്റെ പശ്ചാത്തലത്തിലാണ് കഥ പറയുന്നത്. വിധി വേർതിരിച്ച രണ്ട് സഹോദരിമാരുടെ യാത്രയാണ് വിശ്വാസം, വിശ്വസ്തത, സത്യത്തിന്റെ വില എന്നീ ചോദ്യങ്ങൾ ഉയർത്തുന്ന സംഘർഷത്തിലൂടെ ചിത്രം അവതരിപ്പിക്കുന്നത്. സിനിമ ഇപ്പോൾ പ്രീ-പ്രൊഡക്ഷൻ ഘട്ടത്തിലാണ്.
ത്യാഗം, പ്രതിരോധശേഷി, വിശ്വാസവും അഴിമതിയും തമ്മിലുള്ള ശാശ്വത പോരാട്ടം തുടങ്ങിയ സർവ്വകാലിക വിഷയങ്ങൾ ചിത്രം കൈകാരയം ചെയ്യുന്നുണ്ട്. ചിത്രം രണ്ട് സഹോദരിമാരുടെ കഥ മാത്രമല്ല – നമ്മൾ വിശ്വസിക്കുന്നതും നമ്മൾ ഭയപ്പെടുന്നതുമായ സമൂഹത്തിന്റെ പോരാട്ടമാണ് ഇത്. അസംസ്കൃതവും, വികാരാധീനവും, അത്യന്തം മനുഷ്യരാശിയോട് ചേർന്നതുമാണ് കഥയെന്ന് വിനിൽ വാസു അഭിപ്രായപ്പെട്ടു. കൂടാതെ ഇതൊരു സിനിമ മാത്രമല്ല, അതിർത്തികൾ താണ്ടുന്ന ഒരു സിനിമാറ്റിക് പരീക്ഷണമാണ്. എന്റെ ലക്ഷ്യം AI ഉത്തരവാദിത്വത്തോടെ ഉപയോഗിച്ച് വികാരങ്ങളും, നാടകീയതയും, ആഗോള സിനിമയെ നേരിടുന്ന സ്കെയിലും സൃഷ്ടിക്കാമെന്ന് തെളിയിക്കുകയായിരുന്നു. ഇന്ത്യ AI സിനിമയുടെ നേതൃസ്ഥാനത്ത് എത്താൻ കഴിയുമെന്ന് ലോകത്തിന് കാണിക്കുകയാണ് ഈ ചിത്രമെന്നും അദ്ദേഹം കൂട്ടിച്ചേർത്തു.
യഥാർത്ഥ മനുഷ്യരുടെ ചിത്രങ്ങളും (ചിലർ ജീവിക്കുന്നവർ, ചിലർ ജീവിക്കാത്തവർ), യഥാർത്ഥ ശബ്ദങ്ങളും ഉൾക്കൊള്ളുന്ന ഒരു ഫീച്ചർ ഫിലിമായി ലോകത്താദ്യമായാണ് ഇങ്ങനൊരു പരീക്ഷണം ഒരു ചിത്രം ചെയ്യുന്നത്. ചിത്രം 2026 വേനൽക്കാലത്ത് തിയറ്ററുകളിൽ റിലീസ് ചെയ്യുന്നതിനോടൊപ്പം മറ്റ് സബ്സ്റ്റിറ്റ്യൂട്ട് റിലീസുകളും ഉണ്ടായിരിക്കും. AIയുടെ ശക്തിയിലൂടെ ചിത്രം ഫോട്ടോറിയലിസ്റ്റിക് ദൃശ്യങ്ങൾ, ലോകനിർമ്മാണം, ഡീ-ഏജിംഗ് സാങ്കേതികവിദ്യ, ആക്ഷൻ സീക്വൻസുകൾ എന്നിവ ചിത്രത്തിലുണ്ട്.
ചിത്രത്തെ കുറിച്ച് സണ്ണി ലിയോണും തന്റെ അഭിപ്രായം പങ്കു വെച്ചിട്ടുണ്ട്. “എട്ട് വർഷം മുമ്പ് ഞങ്ങൾ *കോർ* എന്ന കഥാപാത്രത്തെ സൃഷ്ടിച്ച് VFX ഉപയോഗിച്ച് ഒരു ചെറിയ പ്രൊമോ ഷൂട്ട് ചെയ്തിരുന്നു. അന്ന് സാങ്കേതികവിദ്യ ഇന്നുള്ള പോലെ മുന്നേറിയിരുന്നില്ല. ഇന്ന് അത് സാധ്യമായതിനാൽ ഇന്ത്യയിലെ ആദ്യ AI സൂപ്പർഹീറോ സിനിമ സൃഷ്ടിക്കുന്നതിൽ ഞാൻ ഏറെ ആവേശത്തിലാണ്.”സണ്ണി ലിയോൺ പറഞ്ഞു.
“സണ്ണി ലിയോണിന്റെ ഇരട്ട വേഷം, കൗർ vs കോർ – Conflict of faith ൽ , പരമ്പരാഗതതയും ഭാവിസങ്കൽപ്പവും ചേർന്നതാണ്. ശക്തി, പുനരാവിഷ്കരണം, ആഗോള ആകർഷണം എന്നിവയുടെ പ്രതീകമാണ് ഈ സിനിമ. ഇന്ത്യയിലെ ആദ്യ പൂർണ്ണ AI ഫീച്ചർ ഫിലിം ഒരുക്കുന്നതിലൂടെ, ഞങ്ങൾ ഇന്ത്യൻ സിനിമയെ ലോകത്തിന്റെ മുന്നിലെത്തിക്കുന്നു.” പപ്പരാജി എന്റർടെയിൻമെന്റ് സ്ഥാപകനും നിർമ്മാതാവുമായ അജിങ്ക്യ ജാധവ് അഭിപ്രായപ്പെട്ടു.