മലയാള സിനിമയുടെ ചരിത്രത്തില് ആദ്യമായി ഞായറാഴ്ച റിലീസിനൊരുങ്ങി ശ്രീനാഥ് ഭാസി ചിത്രം “പൊങ്കാല”. ചിത്രം നവംബര് 30 ന് തീയറ്ററുകളില് എത്തും. ഗ്രേസ് ഫിലിം കമ്പനി തീയേറ്ററിൽ എത്തിക്കുന്ന ചിത്രം ദീപു ബോസും അനില് പിള്ളയും ചേര്ന്നാണ് നിർമ്മിക്കുന്നത്. എ ബി ബിനില് കഥയും തിരക്കഥയും രചിച്ചു സംവിധാനം ചെയ്യുന്ന ചിത്രം ജൂനിയര് 8 ബാനറിലാണ് ഒരുങ്ങുന്നത്. ഡോണ തോമസാണ് കൊ- പ്രൊഡ്യൂസര്.
ചിത്രം സാമൂഹികവും രാഷ്ട്രീയവുമായ അടിത്തറയിൽ രൂപപ്പെട്ട ഒരു ശക്തമായ കഥയാണ് പറയുന്നത്. ആക്ഷന് ഏറെ പ്രാധാന്യം കൊടുത്ത് ഒരുങ്ങുന്ന ‘പൊങ്കാല ‘ ശ്രീനാഥ് ഭാസിയുടെ ‘മഞ്ഞുമ്മൽ ബോയ്സ്’ എന്ന ഹിറ്റ് ചിത്രത്തിനു ശേഷം ഒരു നടന്ന സംഭവത്തെ ആസ്പദമാക്കി ഒരുങ്ങുന്ന ചിത്രം കൂടിയാണ്. ആക്ഷൻ കോമഡി ത്രില്ലർ ശ്രേണിയിൽ പെടുന്ന ചിത്രത്തിന്റെ ഷൂട്ടിംഗ് വൈപ്പിൻ ചെറായി ഭാഗങ്ങളിലായിരുന്നു.
2000 കാലഘട്ടത്തിൽ ഹാർബർ പശ്ചാത്തലമാക്കി വൈപ്പിൻ മുനമ്പം തീരദേശത്ത് നടന്ന ഒരു സംഭവ കഥയെ ആസ്പദമാക്കി പറയുന്ന ചിത്രത്തിൽ യാമി സോനാ, ബാബുരാജ്, സുധീർ കരമന, സാദിഖ്, സമ്പത്ത് റാം, അലൻസിയർ, കിച്ചു ടെല്ലസ്, സൂര്യകൃഷ്, ഇന്ദ്രജിത്ത് ജഗജിത്, ജീമോൻ ജോർജ്, മുരുകൻ മാർട്ടിൻ സ്മിനു സിജോ, ശാന്തകുമാരി, രേണു സുന്ദർ എന്നിവരും പ്രധാന കഥാപാത്രങ്ങളായെത്തുന്നു.
ചിത്രത്തിന്റെ ഛായാഗ്രഹണം – ജാക്സൺ, എഡിറ്റർ – അജാസ് പുക്കാടൻ, സംഗീതം – രഞ്ജിൻ രാജ്, മേക്കപ്പ് – അഖിൽ ടി.രാജ്, കോസ്റ്റ്യൂം ഡിസൈൻ -സൂര്യാ ശേഖർ, ആർട്ട് – നിധീഷ് ആചാര്യ, പ്രൊഡക്ഷൻ കൺട്രോളർ സെവൻ ആർട്സ് മോഹൻ, ഫൈറ്റ് – മാഫിയ ശശി, രാജാ ശേഖർ, പ്രഭു ജാക്കി. കൊറിയോഗ്രാഫി – വിജയ റാണി, പിആർഓ – മഞ്ജു ഗോപിനാഥ്, ഡിജിറ്റൽ പ്രമോഷൻസ് – ഒബ്സ്ക്യൂറ എന്റർടൈൻമെൻ്റ്, ഒപ്ര. സ്റ്റിൽസ് -ജിജേഷ് വാടി, ഡിസൈൻസ് – അർജുൻ ജിബി, മാർക്കറ്റിംഗ് ബ്രിങ്ഫോർത്ത്.