ആദ്യ ടീസര് പുറത്തിറങ്ങിയ നിമിഷം തൊട്ടേ സമൂഹമാധ്യമങ്ങളില് നിന്ന് ഏറെ പഴിയേറ്റു വാങ്ങേണ്ടി വന്ന ചിത്രമാണ് സംവിധായകന് ബിജു ജെ കട്ടക്കല് ഒരുക്കുന്ന സ്ഫടികം 2 ഇരുമ്പന് ജോണി എന്ന ചിത്രം. ഭദ്രന്റെ സംവിധാനത്തില് മലയാളി പ്രേക്ഷകര് ഹൃദയത്തിലേറ്റിയ എവര് ഗ്രീന് ചിത്രങ്ങളിലൊന്നായ സ്ഫടികം എന്ന ചിത്രത്തിന്റെ തുടര്ക്കഥ പോലെയാണ് പുതിയ ചിത്രമെത്തിയതെങ്കിലും ആദ്യ ചിത്രത്തിലെ പ്രധാന കഥാപാത്രമായ ആടു തോമയുടെ മകനായ ഇരുമ്പന് ജോണിയെ ആസ്പദമാക്കിയാണ് സ്ഫടികം 2 ഒരുങ്ങുന്നത്. ഇരു ചിത്രങ്ങളുടെയും സംവിധായകര് തമ്മില് അസ്വാരസ്യങ്ങള് മുറുകുമ്പോള് തന്റെ ചിത്രത്തിനെക്കുറിച്ചുള്ള വിശദീകരണവുമായി സംവിധായകന് ബിജു തന്നെ രംഗത്തെത്തിയിരിക്കുകയാണ്. സെല്ലുലോയ്ഡ് എക്സ്ക്ലൂസിവ് ഇന്റര്വ്യൂ കാണാം..