പ്രശസ്ത ഗായിക ജാനകിയുടെ മകൻ മുരളി കൃഷണ അന്തരിച്ചു. ഗായിക കെഎസ് ചിത്രയാണ് ഇക്കാര്യം പുറത്തുവിട്ടത്. തന്റെ ഫേസ്ബുക് പേജിലൂടെ വികാരഭരിതമായ കുറിപ്പ് പങ്കുവെച്ച് കൊണ്ടായിരുന്നു ചിത്രയുടെ പ്രതികരണം. തനിക്ക് സ്നേഹനിധിയായ ഒരു സഹോദരനെയാണ് നഷ്ടമായതെന്ന് ചിത്ര കുറിച്ചു.
‘ഇന്ന് രാവിലെ മുരളി അണ്ണയുടെ (ഞങ്ങളുടെ പ്രിയപ്പെട്ട ജാനകി അമ്മയുടെ ഏക മകൻ) പെട്ടെന്നുള്ള വിയോഗവാർത്ത അറിഞ്ഞപ്പോൾ ഞെട്ടിപ്പോയി. സ്നേഹനിധിയായ ഒരു സഹോദരനെ നഷ്ടപ്പെട്ടു. ഈ അസഹനീയമായ വേദനയും ദുഃഖവും മറികടക്കാൻ ദൈവം അമ്മയ്ക്ക് ശക്തി നൽകട്ടെ. പരേതനായ ആത്മാവിന് നിത്യശാന്തി ലഭിക്കട്ടെ. ഓം ശാന്തി,’ കെ എസ് ചിത്ര കുറിച്ചു.
ചിത്രയുടെ പോസ്റ്റിന് താഴെ നിരവധി പേരാണ് അനുശോചനം അറിയിക്കുന്നത്.