എന്ന് നിന്റെ മൊയ്തീന്‍ എന്ന ആദ്യ ചിത്രത്തിലൂടെ സംവിധായകനെന്ന നിലയില്‍ ശ്രദ്ധേയനായ ആര്‍ എസ് വിമല്‍ ഒരുക്കുന്ന അടുത്ത ചിത്രം ‘ധര്‍മ്മരാജ്യ’ പ്രഖ്യാപിച്ചു.വിമല്‍ തന്നെയാണ് ഫേസ് ബുക്ക് പേജിലൂടെ ഈ വിവരം അറിയിച്ചത്.തിരുവിതാംകൂറിന്റെ ചരിത്ര നായകന്‍ ധര്‍മ്മരാജയുടെ കഥയാണ് ചിത്രം പറയുന്നത്.’തിരുവിതാംകൂര്‍ രാജ്യത്തിന്റെ പശ്ചാത്തലത്തില്‍ ചരിത്രത്തില്‍ നിന്നും ഒരു നായക കഥാപാത്രം പുനര്‍ സൃഷ്ടിക്കപ്പെടുന്നു.മലയാളത്തിലെ പ്രിയപ്പെട്ട സൂപ്പര്‍ താരം ആ കഥാപാത്രമാകുമെന്നും’ വിമല്‍ ഫേസ് ബുക്കിലൂടെ പറഞ്ഞു.
വര്‍ച്ച്വല്‍ പ്രൊഡക്ഷന്റെ സഹായത്തോടെ ലണ്ടനില്‍ ചിത്രീകരിക്കുന്ന ആദ്യ ഇന്ത്യന്‍ സിനിമയാണിത്.മലയാളം,ഹിന്ദി,തമിഴ്,തെലുഗു ഭാഷകളിലാണ് ചിത്രം നിര്‍മിക്കുകന്നത്.