നവരസ ഫിലിംസ്, ലഷ്മി നാഥ് ക്രിയേഷൻസ് എന്നിവയുടെ ബാനറിൽ ശ്രീജിത്ത്, സുധീഷ്, ബ്ലെസ്സി എന്നിവർ നിർമ്മിക്കുന്ന ചിത്രം “പ്രകമ്പനത്തിന്റെ” ചിത്രീകരണം ആരംഭിച്ചു. ജൂൺ പതിനാറ് തിങ്കളാഴ്ച കൊച്ചിയിലെ മഹാരാജാസ് കോളജിൽ ആണ് ചിത്രീകരണം ആരംഭിച്ചത്. വിജേഷ് പാണത്തൂരാണ് ചിത്രത്തിന്റെ കഥയെഴുതി സംവിധാനം ചെയ്യുന്നത്. സംവിധായകൻ ലാൽ ജോസ് സ്വിച്ചോൺ കർമ്മം നിർവ്വഹിച്ചു. വർണ്ണചിത്ര സുബൈർ, കലാസംഘം ഹംസ എന്നിവർ ഫസ്റ്റ് ക്ലാപ്പ് നൽകി. നിർമ്മാതാവ് സുധീഷ്, മാതാവ് ലഷ്മിക്കുട്ടിയമ്മ, ശ്രീജിത്ത്, ബ്ലെസ്സി തുടങ്ങിയവരും, ചിത്രത്തിന്റെ അഭിനേതാക്കളും അണിയറ പ്രവർത്തകരും ചേർന്ന് ഭദ്രദീപം തെളിയിച്ചു. ചിത്രം കൊച്ചിയിലും പയ്യന്നൂരിലുമായി പൂർത്തിയാകും.
കണ്ണൂരിലെ പാർട്ടി ഗ്രാമത്തിൽ നിന്നും, ഇടുക്കിയിൽ നിന്നും, കൊല്ലത്തു നിന്നും കൊച്ചി നഗരത്തിലെ പ്രശസ്തമായ ഒരു കോളജിൽ പഠിക്കാനെത്തിയ മൂന്നു വിദ്യാർത്ഥികളുടെ ഹോസ്റ്റൽ ജീവിതത്തിൻ്റെ കഥ പറയുന്ന ചിത്രമാണിത്. തികഞ്ഞ ഹ്യൂമർ,ഫാൻ്റെസി ജോണറിലാണ് ചിത്രം അവതരിപ്പിക്കുന്നത്. മലബാറിൻ്റെ സാമൂഹ്യ രാഷ്ട്രീയ പശ്ചാത്തലത്തിൽ ഒരുക്കി ശ്രദ്ധ നേടിയ “നദികളിൽ സുന്ദരി യമുന” എന്ന ചിത്രത്തിനു ശേഷം വിജേഷ് പാണത്തൂർ സംവിധാനം ചെയ്യുന്ന ചിത്രം കൂടിയാണിത്. കാംബസ് ഹോസ്റ്റൽ ജീവിതത്തിൻ്റെ എല്ലാ രസക്കൂട്ടുകെട്ടും കോർത്തിണക്കിയ ക്ലീൻ എൻ്റർടൈനറായിരിക്കും ചിത്രം.
ഗണപതി, സാഗർ സൂര്യ, (പ്രണി ഫെയിം ) സോഷ്യൽ മീഡിയാ താരം അമീൻ’ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ജോണി ആൻ്റെണി അസീസ് നെടുമങ്ങാട്, മല്ലികാസുകുമാരൻ, പി.പി. കുഞ്ഞികൃഷ്ണൻ മാഷ്, കലാഭവൻ നവാസ്, കുടശ്ശനാട് കനകം, ഗംഗാ മീര, സുബിൻ ടാർസൻ,സനീഷ് പല്ലി എന്നിവരും പ്രധാന താരങ്ങളാണ്.
ശ്രീഹരിയുടേതാണു തിരക്കഥ’, സംഗീതം – ബിബിൻ അശോകൻ, ഛായാഗ്രഹണം – ആൽബി. എഡിറ്റിംഗ് – സൂരജ്. ഈ എസ്. കലാസംവിധാനം – സുഭാഷ് കരുൺ. മേക്കപ്പ് -ജയൻ പൂങ്കുളം. കോസ്റ്റ്യും – ഡിസൈൻ-സുജിത് മട്ടന്നൂർ. സ്റ്റിൽസ് – ജസ്റ്റിൻ, ചീഫ് അസ്സോസ്സിയേറ്റ് ഡയറക്ടർ – അംബ്രോസ് വർഗീസ്. പ്രൊജക്റ്റ് ഡിസൈനർ – സൈനുദ്ദീൻവർണ്ണ ചിത്ര പ്രൊഡക്ഷൻ, എക്സിക്യൂട്ടീവ്സ് – ശശി പൊതുവാൾ,. കമലാക്ഷൻ പയ്യന്നൂർ. പ്രൊഡക്ഷൻ കൺട്രോളർ – നന്ദു പൊതുവാൾ. വാഴൂർ ജോസ്.