മലയാളത്തിലെ യുവതിരക്കഥാകൃത്ത് ‘പ്രഫുൽ സുരേഷ്’ അന്തരിച്ചു. 41 വയസ്സായിരുന്നു. ഹൃദയാഘാതത്തെ തുടർന്നായിരുന്നു അന്ത്യം. വയനാട് പഴയ വൈത്തിരി സ്വദേശിയായ അദ്ദേഹം ‘നല്ല നിലാവുള്ള രാത്രി’ എന്ന ചിത്രത്തിന്റെ തിരക്കഥാകൃത്താണ്.
കോഴിക്കോട് കിർതാഡ്സിൽ ക്ലാർക്കായി ജോലി ചെയ്തുവരികയായിരുന്നു. സിനിമാ മേഖലയിൽ സജീവമായിരുന്ന പ്രഫുൽ, പുതിയ രണ്ട് പ്രൊജക്ടുകളുടെ തിരക്കഥ പൂർത്തിയാക്കി വരാനിരിക്കെയാണ് അപ്രതീക്ഷിത വിയോഗം സംഭവിച്ചത്. പഴയ വൈത്തിരി സുപ്രിയ ഹൗസിൽ പരേതനായ ഡി. സുരേഷിന്റെയും സുശീലയുടെയും മകനാണ്.
ഭാര്യ: അനുരൂപ (അധ്യാപിക, കക്കാട് ജി.എൽ.പി.എസ്, കോഴിക്കോട്). സഹോദരങ്ങൾ: പ്രവീൺ സുരേഷ്, പ്രിയങ്ക (അധ്യാപിക, ജി.എച്ച്.എസ് വൈത്തിരി), പ്രതിഭ (വയനാട് കളക്ടറേറ്റ്).