തെലുങ്ക് സൂപ്പര്താരം പവന് കല്യാണിനെ നായകനാക്കി ക്രിഷ് സംവിധാനം ചെയ്യുന്ന ‘ഹരി ഹര വീരമല്ലു’എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടു.തുറമുഖ പശ്ചാത്തലത്തിലുള്ള പിരിഡ് ഡ്രാമയാണ് ചിത്രം.
150 കോടി മുതല് മുടക്കിലാണ് ചിത്രം ഒരുങ്ങുന്നത്. മെഗാ സൂര്യ പ്രൊഡക്ഷന്സിന്റെ ബാനറില് എ എം രത്ന അവതരിപ്പിക്കുന്ന ഈ ചിത്രത്തിന്റെ ഛായാഗ്രഹണം ജ്ഞാനശേഖര് വി എസ് നിര്വ്വഹിക്കുന്നു.
മുഗള് ഭരണകാലത്തെ ധീരയോദ്ധാവിന്റെ കഥയാണ് സിനിമ. നിധി അഗര്വാളാണ് നായിക. പതിനേഴാം നൂറ്റാണ്ടിന്റെ പശ്ചാത്തലത്തിലാണ് ഹരിഹര വീരമല്ലുവിന്റെ കഥ നടക്കുന്നത്. തെലുങ്കിനൊപ്പം ഹിന്ദി, കന്നഡ, തമിഴ്, മലയാളം പതിപ്പുകളായി സിനിമയെത്തും. 2022ലാണ് റിലീസ്.