ബോളിവുഡ് സിനിമകളിലും പരസ്യ ചിത്രങ്ങളിലുമായി കഴിഞ്ഞ പതിനെട്ടു വര്‍ഷക്കാലമായി പ്രവര്‍ത്തിച്ചു പോരുന്ന സോജന്‍ ജോസഫ് സംവിധാനം ചെയ്യുന്ന പുതിയ ചിത്രമാണ് ഒപ്പീസ്.മലയാളത്തില്‍ കോപ്പയിലെ കൊടുങ്കാറ്റ്, അലര്‍ട്ട് 24 ഃ7 എന്നീ എന്നീ ചിത്രങ്ങളും സംവിധാനം ചെയ്തിട്ടുള്ളത് സോജന്‍ ജോസഫ് ആണ് . ഒരു ഇടവേളക്കുശേഷം ഒപ്പീസ് എന്ന ചിത്രവുമായി സോജന്‍ എത്തുകയാണ്.
ആകര്‍ഷന്‍ എന്റര്‍ടൈന്‍മെന്റ് പ്രൈവറ്റ് ലിമിറ്റഡ്,ഡി. ആര്‍. പ്രൊഡക്ഷന്‍സ് എന്നീ ബാനറുകളില്‍ പ്രദ്യുമന കൊളേഗല്‍, ദിഷാല്‍ ഡി.ആര്‍.എന്നിവര്‍ നിര്‍മ്മിക്കുന്ന ഈ ചിത്രത്തിന്റെ ചിത്രീകരണം മാര്‍ച്ച് ഇരുപത്തിയൊന്ന് വ്യാഴാഴ്ച്ച തൊടുപുഴയില്‍ ആരംഭിച്ചു.
അറക്കുളം ആലാനി ബംഗ്‌ളാവിലായിരുന്നു ചിത്രീകണം ആരംഭിച്ചത്. പ്രശസ്ത കന്നഡ താരം ദീഷിത് ഷെട്ടിയുടെ ഭാഗങ്ങളാണ് ചിത്രീകരിച്ചു തുടങ്ങിയത്.പ്രണയമാണ് ഈ ചിത്രത്തിന്റെ അടിത്തറ.ബക്കിംഗ്ഹാമിലെ ഒരു സംഗീതജ്ഞനെ പ്രണയിച്ച ഒരു പെണ്‍കുട്ടിയുടെ കഥയാണ് ഈ ചിത്രം പറയുന്നത്. പ്രണയത്തിന് വ്യത്യസ്ഥമായ തലവും ഭാഷ്യവും ഈ ചിത്രം നല്‍കുന്നു.സംഗീതത്തിന് ഏറെ പ്രാധാന്യമുള്ള ഒരു ചിത്രം കൂടിയായിരിക്കുമിത്.
എം. ജയചന്ദ്രന്റെ അതിമനോഹരമായ ഗാനങ്ങള്‍ ഈ ചിത്രത്തിന്റെ ഹൈലൈറ്റാണ്.റഫീഖ് അഹമ്മദിന്റെതാണു വരികള്‍.ഷൈന്‍ ടോം ചാക്കോവും. ദര്‍ശനാ നായരുമാണ് ഈ ചിത്രത്തിലെ സുപ്രധാനമായ രണ്ടു കഥാപാത്രങ്ങളെ അവതരിപ്പിക്കുന്നത്.ജോയ് മാത്യ ലെന, ഇന്ദ്രന്‍സ്, ജോജോണ്‍ ചാക്കോ, ബൈജു എഴുപുന്ന , അനൂപ് ചന്ദ്രന്‍, പ്രമോദ് വെളിയനാട്, ജുബി.പി.ദേവ്, രാജേഷ് കേശവ് , അന്‍വര്‍, കോബ്രാ രാജേഷ്, ശ്രയാ രമേഷ്, വിജയന്‍ നായര്‍, പ്രകാശ് നാരായണന്‍, സജിതാ മഠത്തില്‍,, ജീമോന്‍ ജോര്‍ജ്, . ജീജാസുരേന്ദ്രന്‍ എന്നിവരും പ്രധാന താരങ്ങളാണ്.
ബാലചന്ദ്രമേനോനും സുപ്രധാനമായ ഒരു കഥാപാത്രത്തെ അവതരിപ്പിക്കുന്നു.പ്രശസ്ത ബോളിവുഡ് ഛായാഗ്രാഹകനായ സന്തോഷ്തുണ്ടിയിലാണ് ഛായാഗ്രാഹകന്‍.എഡിറ്റിംഗ് – ശ്യാം ശശിധരന്‍.കലാസംവിധാനം – അരുണ്‍ ജോസ്.മേക്കപ്പ- മനു മോഹന്‍. കോസ്റ്റ്യും ഡിസൈന്‍ – കുമാര്‍ എടപ്പാള്‍ചീഫ് അസ്സോസ്സിയേറ്റ് ഡയറക്ടര്‍ -ജോജോ കുരിശിങ്കല്‍.അസ്സോസ്സിയേറ്റ് ഡയറക്ടര്‍ ശ്രീജിത്- നന്ദന്‍.പ്രൊഡക്ഷന്‍ എക്‌സിക്കുട്ടീവ്‌സ് – അസ് ലം പുല്ലേപ്പടി, സുനില്‍മേനോന്‍,പ്രൊഡക്ഷന്‍ കണ്‍ട്രോളര്‍-എല്‍ദോസെല്‍വരാജ്.തൊടുപുഴ , കൊച്ചി, ഊട്ടി ലണ്ടന്‍,എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂര്‍ത്തിയാകും.
വാഴൂര്‍ ജോസ്.ഫോട്ടോ- ഷിബി ശിവദാസ്.