ചലച്ചിത്രമേളയിൽ 19 സിനിമകളുടെ പ്രദർശനം തടഞ്ഞത് യുക്തിക്ക് നിരക്കുന്ന പരിപാടിയല്ലെന്ന് വിമർശിച്ച് ലോക്സഭാംഗവും കോൺഗ്രസ് നേതാവുമായ ശശി തരൂർ. വിഷയവുമായി ബന്ധപ്പെട്ട് വിവരവകാശ പ്രക്ഷേപണ, വിദേശകാര്യ മന്ത്രിമാരുമായി നേരിട്ട് ബന്ധപ്പെട്ടിട്ടുണ്ടെന്നും, ഈ ഒഴിവാക്കലുകൾ പുനഃപരിശോധിക്കാൻ അവരോട് അഭ്യർത്ഥിച്ചിട്ടുണ്ടെന്നും ശശി തരൂർ അറിയിച്ചു. തന്റെ എക്സ്സിൽ പോസ്റ്റ് ചെയ്ത നീണ്ട കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം. നിരോധിക്കപ്പെട്ട സിനിമകളുടെ പേരും അവയുടെ വിശദവിവരങ്ങളും ഉൾപ്പെടുത്തിക്കൊണ്ടുള്ളതാണ് ശശി തരൂരിൻ്റെ കുറിപ്പ്.
“സ്പാനിഷ് ഭാഷയിലുള്ള ബീഫ് എന്ന ചിത്രത്തിൻ്റെ പേര് ഉദ്യോഗസ്ഥരെ ഭയപ്പെടുത്തിയെന്ന് തോന്നുന്നു. ഇത് നിലവിലെ തീരുമാനമെടുക്കുന്ന പ്രക്രിയയിലെ വ്യക്തമായ വൈരുദ്ധ്യം എടുത്തു കാണിക്കുന്നു. വാജിബ് എന്ന സിനിമ ഇന്ത്യക്ക് പുതിയതല്ല. വാസ്തവത്തിൽ, 2017-ൽ 22-ാമത് IFFK-യിൽ ഈ ചിത്രം സുവർണ ചകോരം നേടിയിരുന്നു. 2025-ൽ ഇതേ മേളയിൽ ഈ സിനിമയെ നിഷേധിക്കുന്നത്, ഏകപക്ഷീയവും സ്ഥിരതയില്ലാത്തതുമായ തീരുമാനമെടുക്കലിനെയാണ് സൂചിപ്പിക്കുന്നത്. ടിംബന്ധു (2014), ഈ പ്രശംസ നേടിയ സിനിമ 2014-ലെ IFFI ഗോവയിൽ അന്താരാഷ്ട്ര മത്സര വിഭാഗത്തിൽ പ്രദർശിപ്പിച്ചിരുന്നു, ഈ മേള കേന്ദ്ര വിവരാവകാശ പ്രക്ഷേപണ മന്ത്രാലയമാണ് നേരിട്ട് സംഘടിപ്പിച്ചത്. അന്ന് സർക്കാർ അനുമതി നൽകിയിരുന്നെങ്കിലും, സിനിമയുടെ ക്ലാസിക് നിലവാരവും തീവ്രവാദ വിരുദ്ധ സന്ദേശവും നിലനിർത്തിയിട്ടും ഇപ്പോൾ അനുമതി നിഷേധിച്ചിരിക്കുകയാണ്. ബാറ്റിൽഷിപ്പ് പൊട്ടെംകിൻ 100 വർഷം പഴക്കമുള്ള ക്ലാസിക് എന്ന നിലയിൽ, ഇന്ത്യൻ ഫിലിം ഇൻസ്റ്റിറ്റ്യൂട്ടുകളിൽ (FTII പോലുള്ളവ) ഒരു പ്രധാന ഭാഗമാണ്. ദശാബ്ദങ്ങളായി ഇന്ത്യയിലുടനീളമുള്ള ഫിലിം സൊസൈറ്റികളിലും മേളകളിലും ഈ ചിത്രം പ്രദർശിപ്പിച്ചിട്ടുണ്ട്. ഇതിന്റെ പെട്ടെന്നുള്ള നിരോധനം സിനിമാപരമായ നിരക്ഷരതയെ സൂചിപ്പിക്കുന്നു.” ശശിതരൂർ കുറിച്ചു
“അനുമതി എന്നത് നിയമപരമായ ആവശ്യമാണെങ്കിലും, അന്താരാഷ്ട്ര ചലച്ചിത്ര മേളകൾക്ക് വിദേശ സിനിമകൾ സർട്ടിഫിക്കേഷൻ ഇല്ലാതെ, മുറിക്കാതെ പ്രദർശിപ്പിക്കാൻ വിവരാവകാശ പ്രക്ഷേപണ മന്ത്രാലയത്തിൽ നിന്ന് പ്രത്യേക ‘സെൻസർ ഒഴിവാക്കൽ’ ലഭിക്കാറുണ്ട്. ‘പലസ്തീൻ’ വിഷയത്തിലുള്ള നയതന്ത്രപരമായ സംവേദനക്ഷമതകൾ വാജിബ്, പലസ്തീൻ 36 എന്നിവ നിഷേധിക്കാൻ കാരണമായിരിക്കാം. എന്നാൽ ഇസ്രായേലുമായുള്ള നമ്മുടെ ബന്ധം ഒരു സിനിമ പ്രദർശിപ്പിക്കുന്നതുകൊണ്ട് കാര്യമായി തകരാൻ സാധ്യതയില്ല! ബാറ്റിൽഷിപ്പ് പൊട്ടെംകിൻ, ബീഫ്, കൊളോണിയൽ വിരുദ്ധ സിനിമയായ ദ അവർ ഓഫ് ദ ഫർണസസ് എന്നിവയുടെ നിരോധനം എന്നിവ നിയമങ്ങൾ നടപ്പാക്കാൻ ചുമതലപ്പെട്ടവരുടെ യുക്തിരഹിതമായ നടപടികളായി വർഗ്ഗീകരിക്കാം.” ശശി തരൂർ കൂട്ടിച്ചേർത്തു.
സെന്സര് എക്സംപ്ഷന് സര്ട്ടിഫിക്കറ്റ് ലഭിക്കാത്തതുകൊണ്ടാണ് ചിത്രങ്ങളുടെ പ്രദര്ശനം മുടങ്ങിയത്. പലസ്തീന് പ്രമേയമാക്കിയുള്ള ചിത്രങ്ങള്ക്കും കേന്ദ്ര സര്ക്കാര് നിലപാടുകളെ വിമര്ശിക്കുന്ന ചിത്രങ്ങള്ക്കുമാണ് അനുമതി നിഷേധിച്ചത്. ഉദ്ഘാടന ചിത്രമായി പ്രദര്ശിപ്പിച്ച പലസ്തീന് 36നും അനുമതി ലഭിച്ചില്ല. ലൈഫ് ടൈം അച്ചീവ്മെന്റ് പുരസ്കാരം നേടിയ അബ്ദു റഹ്മാന സിസാക്കോയുടെ റ്റിംബക്റ്റൂ എന്ന ചിത്രവും, ബാറ്റ്ല്ഷിപ്പ് പൊട്ടെംകിന്, സ്പാനിഷ് ചിത്രമായ ബീഫ് തുടങ്ങിയവയാണ് പ്രദര്ശനാനുമതി ലഭിക്കാത്ത മറ്റു ചിത്രങ്ങൾ.