ഡിവൈഎഫ്ഐ സംസ്ഥാന സമ്മേളനവേദിയിൽ അവതരിപ്പിച്ച ‘മിസ’ എന്ന നാടകത്തിനും പ്രധാന അഭിനേത്രി ചിന്നൂസ് ചിലങ്കയ്ക്കുമെതിരെ നടക്കുന്ന സൈബർ ആക്രമണങ്ങളിൽ രൂക്ഷവിമർശനവുമായി നടി ലാലി പി.എം. കഥാപാത്രവും കഥാസന്ദർഭവും ആവശ്യപ്പെടുന്ന രീതിയിൽ വസ്ത്രം ധരിക്കാൻ അനുവദിക്കാത്ത സദാചാര സമൂഹത്തിന്റെ ഇരട്ടത്താപ്പിനെ വിമർശിച്ച അവർ, ഇങ്ങനെയൊരു നാടകം വേദിയിലെത്തിക്കാൻ ധൈര്യം കാണിച്ച അണിയറ പ്രവർത്തകർക്കും ഡിവൈഎഫ്ഐക്കും പിന്തുണയറിയിച്ചു. ബെഡ്റൂം രംഗങ്ങളിൽ പോലും മുഴുവൻ വസ്ത്രവുമിട്ട് അഭിനയിക്കണമെന്ന തിട്ടൂരമാണ് ഇവിടെയുള്ളതെന്നും, അഭിനയം മുഖത്ത് മാത്രം മതിയെന്ന പൊതുബോധത്തെ തള്ളിപ്പറഞ്ഞാണ് ലാലി ഇൻസ്റ്റാഗ്രാമിലൂടെ നിലപാട് വ്യക്തമാക്കിയത്.
“എത്ര ഓ.ടി.ടി. പ്ലാറ്റ്ഫോമുകൾ വന്നിട്ടും കാര്യമില്ല. ഒരു കഥയും അതിലെ കഥാസന്ദർഭങ്ങളും ആവശ്യപ്പെടുന്ന രീതിയിൽ വസ്ത്രം ധരിക്കാൻ ഇവിടത്തെ സദാചാര സമൂഹം സമ്മതിക്കില്ല. നമ്മൾ ബെഡ്റൂം സീനിൽ പോലും മുഴുവൻ വസ്ത്രവും ഇട്ടേ അഭിനയിക്കൂ. അഭിനയം ഒക്കെ മുഖത്ത് മാത്രം മതി എന്നതാണ് സമൂഹത്തിന്റെ തിട്ടൂരം. ഇങ്ങനെയൊരു നാടകം സ്റ്റേജിൽ കാണിക്കാൻ ധൈര്യം കാണിച്ച നാടകത്തിന്റെ അണിയറ പ്രവർത്തകർക്കും DYFI ക്കും അഭിവാദ്യങ്ങൾ.” ലാലി പി.എം ഇൻസ്റ്റാഗ്രാമിൽ കുറിച്ചതിങ്ങനെ. മിസ എന്ന നാടകത്തിലെ ഒരു രംഗവും അവർ ഇതിനൊപ്പം പോസ്റ്റ് ചെയ്തിട്ടുണ്ട്.
അടിയന്തരാവസ്ഥക്കാലത്ത് നാടകപ്രവർത്തക സ്നേഹലത റെഡ്ഢി നേരിട്ട ക്രൂരമായ ഭരണകൂട പീഡനങ്ങളെ ആസ്പദമാക്കി കോഴിക്കോട് ചിലങ്ക ഫ്ലോട്ടിങ് തിയേറ്ററാണ് ‘മിസ’ വേദിയിലെത്തിച്ചത്. എന്നാൽ നാടകത്തിലെ ചില ഭാഗങ്ങൾ മാത്രം അടർത്തിയെടുത്ത് അശ്ലീലച്ചുവയുള്ള ഗാനങ്ങൾ കൂട്ടിച്ചേർത്താണ് സമൂഹമാധ്യമങ്ങളിൽ പ്രചരിപ്പിക്കുന്നത്. 1975-ലെ അടിയന്തരാവസ്ഥ മുതൽ ഇന്നത്തെ കേന്ദ്ര ഭരണകൂട ഭീകരത വരെ രാജ്യത്ത് നിലനിൽക്കുന്ന രാഷ്ട്രീയ സാഹചര്യങ്ങളാണ് നാടകം ചർച്ച ചെയ്യുന്നതെന്ന് നടി ചിന്നൂസ് ചിലങ്ക വ്യക്തമാക്കി.
നാടകത്തിനെതിരായ ദുഷ്പ്രചാരണങ്ങളെ തള്ളി ഡിവൈഎഫ്ഐ സംസ്ഥാന നേതൃത്വവും രംഗത്തെത്തിയിട്ടുണ്ട്. നാടകത്തിലെ ഒരു രംഗം മാത്രം മുറിച്ചെടുത്ത് സദാചാര കണ്ണടയിലൂടെ നോക്കുന്നവർ അടിയന്തരാവസ്ഥക്കാലത്തെ തീക്ഷ്ണമായ പീഡന ചരിത്രത്തെ മറച്ചുവെക്കാനാണ് ശ്രമിക്കുന്നതെന്ന് സംസ്ഥാന സെക്രട്ടറി വി.കെ. സനോജ് പറഞ്ഞു. ചോദ്യങ്ങൾ ചോദിക്കുന്നവരെ നിശബ്ദരാക്കുന്ന അധികാര രാഷ്ട്രീയം ഇന്നും തുടരുന്നുവെന്ന ഓർമ്മപ്പെടുത്തലാണ് സ്നേഹലതയുടെ ജീവിതത്തിലൂടെ ‘മിസ’ പങ്കുവെക്കുന്നതെന്നും അദ്ദേഹം കൂട്ടിച്ചേർത്തു.
ഡിവൈഎഫ്ഐ സംസ്ഥാന സമ്മേളനവേദിയിലാണ് ‘മിസ’ അവതരിപ്പിച്ചത്. ചിന്നൂസ് ചിലങ്കയാണ് പ്രധാന കഥാപാത്രമായെത്തിയത്. നാടകത്തിൽ ചിന്നൂസ് ചിലങ്ക അഭിനയിച്ച ഭാഗങ്ങൾ എഡിറ്റ് ചെയ്ത് അശ്ലീലച്ചുവയോടെ സോഷ്യൽ മീഡിയയിൽ പ്രചരിച്ചിരുന്നു. അടിയന്തരാവസ്ഥക്കാലത്ത് സ്നേഹലത റെഡ്ഢി എന്ന നാടകപ്രവർത്തക അനുഭവിച്ച പീഡനങ്ങളായിരുന്നു നാടകത്തിന്റെ ഇതിവൃത്തം. ഇതിലെ രംഗങ്ങൾ അടർത്തിയെടുത്ത് അതോടൊപ്പം ഇല്ലാതിരുന്ന തെറ്റിദ്ധരിപ്പിക്കുന്ന ഗാനങ്ങളും ചേർത്താണ് സമൂഹമാധ്യമങ്ങളിൽ പ്രചരിപ്പിക്കുന്നത്.
മിസ എന്ന നാടകം ജനങ്ങളോട് പറയുന്നത് നമ്മുടെ രാജ്യത്തെ ഭരണകൂടഭീകരതയെ കുറിച്ചാണെന്നാണ് ഇതിനോട് ചിന്നൂസ് പ്രതികരിച്ചത്. 1975-ലെ അടിയന്തരാവസ്ഥയിൽ തുടങ്ങി ഇന്ന് രാജ്യം ഭരിക്കുന്ന ബിജെപി സർക്കാരിന്റെ ഭരണകൂടഭീകരത ഉൾപ്പെടെയുള്ള വിഷയങ്ങളാണ് മിസ സംസാരിക്കുന്നതെന്നും അവർ പറഞ്ഞു.
നാടകത്തിനെതിരായ പ്രചാരണങ്ങൾക്കെതിരെ നേരത്തേ ഡിവൈഎഫ്ഐയും രംഗത്തെത്തിയിരുന്നു. നാടകത്തിന്റെ ഒരു രംഗം മാത്രം മുറിച്ചെടുത്ത് സദാചാരത്തിന്റെ കണ്ണടയിലൂടെ നോക്കുന്നവർ അടിയന്തരാവസ്ഥക്കാലത്തെ തീക്ഷ്ണമായ പീഡനങ്ങളെ മറയ്ക്കാനാണ് ശ്രമിക്കുന്നതെന്ന് സംസ്ഥാന സെക്രട്ടറി വി.കെ. സനോജ് പറഞ്ഞു. ചോദ്യം ചോദിക്കുന്നവരെ നിശബ്ദരാക്കാനുള്ള അധികാരത്തിന്റെ രാഷ്ട്രീയം ഇന്നും അവസാനിക്കുന്നില്ല എന്ന സന്ദേശമാണ് സ്നേഹലതയുടെ ജീവിതം വരച്ച് കാട്ടുന്ന ‘മിസ’ മുന്നോട്ട് വെയ്ക്കുന്നതെന്നും സനോജ് പറഞ്ഞു. കോഴിക്കോട് ചിലങ്ക ഫ്ളോട്ടിങ് തിയേറ്ററാണ് ഡിവൈഎഫ്ഐ സമ്മേളനത്തിന്റെ പ്രദർശന വേദിയിൽ ‘മിസ’ അവതരിപ്പിച്ചത്.