മമ്മൂട്ടിയും വിനായകനും കേന്ദ്ര കഥാപാത്രമായെത്തുന്ന പുതിയ ചിത്രം ‘കളങ്കാവലി’ന്റെ റിലീസ് മാറ്റി. ചിത്രത്തിന്റെ നിർമ്മാതാക്കളായ മമ്മൂട്ടി കമ്പനി തങ്ങളുടെ സോഷ്യൽ മീഡിയ പേജിലൂടെയാണ് ഈ കാര്യം അറിയിച്ചത്. സിനിമയുടെ പുതിയ റിലീസ് തീയതി ഉടൻ അറിയിക്കും എന്ന് പറഞ്ഞുകൊണ്ടുള്ള പോസ്റ്ററും കൂടെ പങ്കുവെച്ചിട്ടുണ്ട്. താരങ്ങളെ കാണിക്കാതെ ഒരു കാർ മാത്രമുള്ള പോസ്റ്റർ മമ്മൂട്ടിയും പങ്കുവെച്ചിട്ടുണ്ട്. നവംബര് 27-നാണ് ചിത്രം ആഗോള റിലീസായിയെത്തേണ്ടിയിരുന്നത്. വേഫെയറര് ഫിലിംസാണ് ചിത്രം കേരളത്തില് വിതരണത്തിനെത്തിക്കുന്നത്.
ജിഷ്ണു ശ്രീകുമാറും ജിതിന് കെ. ജോസും ചേര്ന്ന് തിരക്കഥ രചിച്ച ‘കളങ്കാവല്’ മമ്മൂട്ടി കമ്പനിയുടെ ബാനറില് നിര്മിക്കുന്ന ഏഴാമത്തെ ചിത്രമാണ്. ഒരു ക്രൈം ഡ്രാമയായാണ് ചിത്രം ഒരുക്കിയിരിക്കുന്നത്. മുജീബ് മജീദ് സംഗീത സംവിധാനവും ഫൈസൽ അലി ഛായാഗ്രഹണവും നിർവഹിച്ചിരിക്കുന്നു. ദുല്ഖര് സല്മാന് നായകനായെത്തിയ സൂപ്പര്ഹിറ്റ് ചിത്രം ‘കുറുപ്പി’ന്റെ കഥ ഒരുക്കി ശ്രദ്ധനേടിയ ജിതിന് കെ. ജോസ് ആദ്യമായി സംവിധാനം ചെയ്യുന്ന ചിത്രമാണ് ‘കളങ്കാവല്’. ഏഴുമാസത്തെ ഇടവേളക്കുശേഷം തിയേറ്ററുകളില് എത്തുന്ന മമ്മൂട്ടി ചിത്രമെന്ന നിലയില് വലിയ ആവേശത്തോടെയാണ് മലയാള സിനിമാ പ്രേമികള് ‘കളങ്കാവല്’ കാത്തിരിക്കുന്നത്. സെന്സറിങ് പൂര്ത്തിയാക്കിയ ചിത്രത്തിന് യു/എ 16+ സര്ട്ടിഫിക്കറ്റ് ആണ് ലഭിച്ചത്. ഏതാനും ദിവസങ്ങൾക്കുമുന്പ് പുറത്തുവന്ന, ചിത്രത്തിലെ ‘നിലാ കായും’ എന്ന വരികളോടെ ആരംഭിക്കുന്ന ഗാനത്തിനും മികച്ച പ്രേക്ഷകപ്രതികരണമാണ് ലഭിച്ചത്.
എക്സിക്യൂട്ടീവ് പ്രൊഡ്യൂസര്: ജോര്ജ് സെബാസ്റ്റ്യന്, ഛായാഗ്രഹണം: ഫൈസല് അലി, സംഗീതം: മുജീബ് മജീദ്, എഡിറ്റര്: പ്രവീണ് പ്രഭാകര്, ലൈന് പ്രൊഡ്യൂസര്: സുനില് സിങ്, പ്രൊഡക്ഷന് കണ്ട്രോളര്: അരോമ മോഹന്, പ്രൊഡക്ഷന് ഡിസൈനര്: ഷാജി നടുവില്, ഫൈനല് മിക്സ്: എം.ആര്. രാജാകൃഷ്ണന്, ചീഫ് അസോസിയേറ്റ് ഡയറക്ടര്: ബോസ്, മേക്കപ്പ്: അമല് ചന്ദ്രന്, ജോര്ജ് സെബാസ്റ്റ്യന്, വസ്ത്രാലങ്കാരം: അഭിജിത്ത് സി, വരികള്: വിനായക് ശശികുമാര്, ഹരിത ഹരി ബാബു, കളറിസ്റ്റ്: ലിജു പ്രഭാകര്, സംഘട്ടനം: ആക്ഷന് സന്തോഷ്, സൗണ്ട് ഡിസൈന്: കിഷന് മോഹന്, വിഎഫ്എക്സ് സൂപ്പര്വൈസര്: എസ്. സന്തോഷ് രാജു, വിഎഫ്എക്സ് കോഓര്ഡിനേറ്റര്: ഡിക്സന് പി. ജോ, വിഎഫ്എക്സ്: വിശ്വ എഫ്എക്സ്, സിങ്ക് സൗണ്ട്: സപ്ത റെക്കോര്ഡ്സ്, സ്റ്റില്സ്: നിദാദ്, ടൈറ്റില് ഡിസൈന്: ആഷിഫ് സലീം, പബ്ലിസിറ്റി ഡിസൈന്സ്: ആന്റണി സ്റ്റീഫന്, ആഷിഫ് സലീം, ഡിജിറ്റല് മാര്ക്കറ്റിങ്: വിഷ്ണു സുഗതന്, ഓവര്സീസ് ഡിസ്ട്രിബൂഷന് പാര്ട്ണര്: ട്രൂത്ത് ഗ്ലോബല് ഫിലിംസ്, പിആര്ഒ: വൈശാഖ് സി. വടക്കേവീട്, ജിനു അനില്കുമാര്.