മലയാളത്തിൽ വിജയ് സിനിമകളെ ഇരുകയ്യും നീട്ടി സ്വീകരിച്ചവരാണ് പ്രേക്ഷകർ. തമിഴ്നാട്ടിനോടൊപ്പമെത്തിയ വിജയ് ആരാധകരുടെ പട്ടികയിൽ മലയാളികളും മുൻപന്തിയിലാണ്. ഇപ്പോഴിതാ വിജയ്‌യുടെ കടുത്ത ആരാധകനാണ് സംവിധായകൻ ഖാലിദ് റഹ്മാൻ എന്നാണ് ഛായാഗ്രാഹകനും സഹോദരനുമായ ജിംഷി ഖാലിദ് വ്യക്തമാക്കിയിരിക്കുന്നത്.
ഹോളിവുഡ് റിപ്പോർട്ടറിന് നൽകിയ അഭിമുഖത്തിലാണ് ജിംഷിയുടെ വെളിപ്പെടുത്തൽ. “ഖാലിദ് റഹ്മാൻ വലിയ വിജയ് ഫാനാണ്. അദ്ദേഹത്തിന് വിജയ്‌യെ അത്രയും ഇഷ്ടമാണ്. അദ്ദേഹത്തിന്റെ ചിത്രങ്ങൾ പുറത്തിറങ്ങിയാലുടൻ തന്നെ തീയേറ്ററിൽ പോയി കാണും,” ജിംഷി പറഞ്ഞു.
ഇതിനൊപ്പം, ഖാലിദ് റഹ്‌മാന്റെ സംവിധാനത്തിലെത്തിയ ഏറ്റവും പുതിയ ചിത്രം ആലപ്പുഴ ജിംഖാന തിയേറ്ററുകളിൽ വിജയകരമായി പ്രദർശനം തുടരുകയാണ്. നസ്‌ലെൻ, ഗണപതി, ലുക്മാൻ തുടങ്ങിയവർ പ്രധാന കഥാപാത്രങ്ങളെ അവതരിപ്പിച്ച ചിത്രത്തിന് മികച്ച പ്രതികരണമാണ് ലഭിക്കുന്നത്. കളക്ഷൻ നിലയിലും മുന്നേറ്റം തുടരുകയാണ് ചിത്രം.