സോജൻ ജോസഫ് സംവിധാനം ചെയ്യുന്ന പുതിയ ചിത്രം എയ്ഞ്ചൽ നമ്പർ 16 ന്റെ ടൈറ്റിൽ ലോഞ്ചിംഗ് ദുൽഖർ സൽമാൻ തന്റെ ഒഫീഷ്യൽ പേജിലൂടെ നിർവഹിച്ചു. ബോളിവുഡ് സിനിമകളിലും പരസ്യ ചിത്രങ്ങളിലുമായി കഴിഞ്ഞ പതിനെട്ടു വർഷക്കാലമായി പ്രവർത്തിച്ചു പോരുന്ന ആളാണ് സോജൻ ജോസഫ്. പതിനാറാമത്തെ മാലാഖ എന്ന് അർത്ഥം വരുന്ന രീതിയിലാണ് ടൈറ്റിൽ ഇട്ടിരിക്കുന്നത്. ഷൈൻ ടോം ചാക്കോയും, പ്രശസ്ത കന്നഡ താരം ദീക്ഷിത് ഷെട്ടിയും സുപ്രധാനമായ വേഷങ്ങളെ അവതരിപ്പിക്കുന്നുണ്ട്. ചിത്രം ഒരു പ്രണയകഥയായിരിക്കും. കൂടാതെ സംഗീതത്തിന് ഏറെ പ്രാധാന്യമുള്ള ചിത്രം കൂടിയാണ്.
ചാക്കോസ് എൻ്റെർടൈൻമെൻ്റിൻ്റെ ബാനറിൽ സി.പി.ചാക്കോ, പ്രദ്യുമന കൊളേഗൽ, എന്നിവരാണ് ചിത്രം നിർമ്മിക്കുന്നത്. റഫീഖ്അഹമ്മദിൻ്റെ വരികൾക്ക് എം.ജയചന്ദ്രനാണ് സംഗീതം നൽകുന്നത്. ദർശനാ നായരാണ് നായിക. ജോയ് മാത്യ, ലെന, ഇന്ദ്രൻസ്, ജോജോൺ ചാക്കോ, ബൈജു എഴുപുന്ന , അനൂപ് ചന്ദ്രൻ, പ്രമോദ് വെളിയനാട്, ജുബി.പി.ദേവ്, മജീഷ് ഏബ്രഹാം, രാജേഷ് കേശവ് , അൻവർ, കോബ്രാ രാജേഷ്, ശ്രയാ രമേഷ്, വിജയൻ നായർ, പ്രകാശ് നാരായണൻ, സജിതാ മഠത്തിൽ,, ജീമോൻ ജോർജ്, . ജീജാസുരേന്ദ്രൻ എന്നിവരും പ്രധാന താരങ്ങളാണ്.
പ്രശസ്ത ബോളിവുഡ് ഛായാഗ്രാഹകനായ സന്തോഷ് തുണ്ടിയിലാണ് ഛായാഗ്രാഹകൻ. എഡിറ്റിംഗ് – ശ്യാം ശശിധരൻ. കലാസംവിധാനം – അരുൺ ജോസ്. മേക്കപ്പ് – മനു മോഹൻ. കോസ്റ്റ്യും ഡിസൈൻ – കുമാർ എടപ്പാൾ, അസ്സോസ്സിയേറ്റ് ഡയറക്ടർ ശ്രീജിത്- നന്ദൻ. പ്രൊഡക്ഷൻ എക്സിക്കുട്ടീവ് – നസീർ കൂത്തുപറമ്പ്, പ്രൊഡക്ഷൻ കൺട്രോളർ – ഷാജി കാവനാട്ട്, തൊടുപുഴ ,
കൊച്ചി, ഊട്ടി, ബാംഗ്ളൂർ എന്നിവിടങ്ങളിലായി ചിത്രത്തിൻ്റെ ചിത്രീകരണം പൂർത്തിയായിരിക്കുന്നു. വാഴൂർ ജോസ്.
ഫോട്ടോ- ഷിബി ശിവദാസ്.