മാളവിക മോഹനനും മാത്യ തോമസും ആദ്യമായി ഒന്നിച്ച ‘ക്രിസ്റ്റി’ കഴിഞ്ഞ ദിവസമാണ് പ്രദര്ശനത്തിനെത്തിയത്. നവാഗതനായ ആല്വിന് ഹെന്റിയാണ് ചിത്രം സംവിധാനം ചെയ്തത്. മികച്ച പ്രതികരണങ്ങളാണ് ‘ക്രിസ്റ്റി’യെന്ന ചിത്രത്തിന് തിയറ്ററുകളില് നിന്ന് ലഭിക്കുന്നത്. ഇപ്പോഴിതാ ഒരു ആരാധകന്റെ പ്രതികരണവും മാളവിക റിട്വീറ്റ് ചെയ്തതുമാണ് ശ്രദ്ധയാകര്ഷിക്കുന്നത്.
ഹേ മാളവിക, ‘ക്രിസ്റ്റി’ പ്രദര്ശിപ്പിക്കുന്ന തിയറ്ററില് എന്റെ ഹൃദയം നഷ്ടപ്പെട്ടുപോയി. അത് എനിക്ക് തിരികെ തരികെ. താങ്കളുടെ സാന്നിദ്ധ്യമുള്ള ഒരു നിമിഷവും ഇഷ്ടപ്പെട്ടുവെന്നായിരുന്നു ആരാധന് ട്വീറ്റ് ചെയ്തത്. അത്ഭുതം പ്രകടിപ്പിച്ച ഹൃദയ ചിഹ്നം ചേര്ത്താണ് ഇത് മാളവിക റീ ട്വീറ്റ് ചെയ്തത്.
ബെന്യാമനും ജി ആര് ഇന്ദുഗോപനും ഒത്തുചേര്ന്ന് തിരക്കഥ രചിച്ച ചിത്രത്തിന്റെ പ്രഖ്യാപനം വലിയ ശ്രദ്ധയാകര്ഷിച്ചിരുന്നു. യുവനിരയിലെ ശ്രദ്ധേയരായ നടന് മാത്യു തോമസ് ചിത്രത്തില് നായക കഥാപാത്രത്തെയാണ് അവതരിപ്പിക്കുമ്പോള് ‘ക്രിസ്റ്റി’ എന്ന ടൈറ്റില് കഥാപാത്രമായി മാളിവികയാണെത്തുന്നത്. ആനന്ദ് സി ചന്ദ്രന് ആണ് ചിത്രത്തിന്റെ ഛായാഗ്രാഹണം നിര്വഹിച്ചിരിക്കുന്നത്. ഗോവിന്ദ് വസന്തയാണ് സംഗീത സംവിധാനം.
ഒരിടവേളയ്ക്ക് ശേഷം മാളവിക മോഹനന് മലയാളത്തില് അഭിനയിക്കുന്ന ചിത്രം എന്ന പ്രത്യേകതയുണ്ട്. ‘പട്ടം പോലെ’, ‘ഗ്രേറ്റ് ഫാദര്’ എന്നീ ചിത്രങ്ങള്ക്കു ശേഷം മാളവികാ മോഹനന് മലയാളത്തില് അഭിനയിക്കുന്ന ചിത്രമാണിത്. ജോയ് മാത്യു, വിനീത് വിശ്വം രാജേഷ് മാധവന്, മുത്തുമണി. ജയാ എസ് കുറുപ്പ് , വീണാ നായര് മഞ്ജു പത്രോസ്, സ്മിനു സിജോ, എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. കഥ – ആല്വിന് ഹെന്റി. മനു ആന്റണി എഡിറ്റിംഗും നിര്വ്വഹിക്കുന്നു. അന്വര് അലി, വിനായക് ശശികുമാര് എന്നിവര് വരികള് എഴുതിയിരിക്കുന്നു. കലാസംവിധാനം -സുജിത് രാഘവ്, മേക്കപ്പ് – ഷാജി പുല്പ്പള്ളി, ചീഫ് അസ്സോസ്സിയേറ്റ് ഡയറക്ടര് -ഷെല്ലി ശ്രീസ്, പ്രൊഡക്ഷന് എക്സിക്യൂട്ടീവ്സ് – പ്രദീപ് ഗോപിനാഥ്, വിജയ് ജി എസ്, പ്രൊഡക്ഷന് കണ്ട്രോളര്- ദീപക് പരമേശ്വരന്, പിആര്ഒ വാഴൂര് ജോസും ആണ്.
— Christy (@MalavikaM_) February 17, 2023