ഗജിനി’യിൽ ആദ്യം നായകനായി തീരുമാനിച്ചിരുന്നത് അജിത്തിനെയായിരുന്നുവെന്ന് വ്യക്തമാക്കി സംവിധായകൻ എ.ആർ മുരുഗദോസ്. നാൻ കടവുൾ എന്ന ചിത്രം ചെയ്യാനായി ആ സമയത്ത് അജിത്ത് മുടി നീട്ടിവളർത്തിയിരുന്നുവെന്നും അതുകൊണ്ട് തലമൊട്ടയടിക്കാൻ സാധിച്ചില്ലെന്നും മുരുഗദോസ് പറഞ്ഞു. തന്റെ പുതിയ ചിത്രം ‘മദ്രാസി’യുടെ പ്രൊമോഷൻ സമയത്താണ് മുരുഗദോസ് ഗജിനിയെ കുറിച്ച് പറഞ്ഞത്.
“അജിത്കുമാറിനെ വെച്ചാണ് ഗജിനി തുടങ്ങിയത് എന്നാൽ മറ്റ് ചില ചിത്രങ്ങളും അദ്ദേഹത്തിന് ഒരേ സമയം ചെയ്യേണ്ടിയിരുന്നു. ആര്യ അഭിനയിച്ച നാൻ കടവുൾ എന്ന ചിത്രം ആദ്യമായി ചെയേണ്ടിയിരുന്നത് അജിത്കുമാറായിരുന്നു. അതിനായി അദ്ദേഹം മുടി വളർത്തിക്കൊണ്ടിരുന്ന സമയമായതിനാൽ ഗജിനിക്ക് വേണ്ടി തല മൊട്ടയടിക്കാൻ സാധ്യമല്ലായിരുന്നു. അതാണ് പ്രധാന കാരണം. എന്നാൽ നോർമൽ ലുക്കിലുള്ള സഞ്ജയ് രാമസ്വാമിയെന്ന കഥാപാത്രമായി അദ്ദേഹം രണ്ട് ദിവസം അഭിനയിച്ച ഫുട്ടേജ് ഞാനിപ്പോഴും സൂക്ഷിച്ചിട്ടുണ്ട്.” മുരുഗദോസ് പറഞ്ഞു.