പ്രമുഖ തെന്നിന്ത്യൻ നായിക ജനനി അയ്യർ വിവാഹിതയാകുന്നു. പൈലറ്റ് ആയ സായി റോഷൻ ശ്യാമാണ് വരൻ. ഇരുവരും വർഷങ്ങളായി സുഹൃത്തുകളായിരുന്നു. നടിയുടെ വിവാഹ നിശ്ചയ ചിത്രങ്ങൾ സോഷ്യൽ മീഡിയയിൽ വൈറലാണ്.
‘അവൻ ഇവൻ’ എന്ന ചിത്രത്തിലൂടെയാണ് ജനനി സിനിമാരംഗത്ത് അരങ്ങേറ്റം കുറിച്ചത്. തമിഴിനൊപ്പം മലയാള സിനിമകളിലും തിളങ്ങിയിട്ടുള്ള നടിയാണ് ജനനി. ‘ത്രീ ഡോട്ട്സ്’ എന്ന ചിത്രത്തിൽ കുഞ്ചാക്കോ ബോബന്റെ നായികയായി മലയാളത്തിലേക്ക് അരങ്ങേറ്റം കുറിച്ച ജനനി, മോഹൻലാൽ പ്രധാന കഥാപാത്രമായ ‘കൂതറ’യിലും ശ്രദ്ധേയമായ വേഷം അവതരിപ്പിച്ചിരുന്നു.
തമിഴ് ചിത്രമായ ‘തെകിടി’യിൽ ‘വിണ്മീൻ…’ എന്ന് ആരംഭിക്കുന്ന ഗാനത്തിലെ പ്രകടനമാണ് ജനനിക്ക് കരിയറിൽ വലിയ ബ്രേക്ക് നൽകിയത്. സോഷ്യൽ മീഡിയയിലുടനീളം താരത്തിന് വലിയ രീതിയിലുള്ള ആശംസകളാണ് ലഭിക്കുന്നത്.