മലയാള സിനിമയുടെ ഇതിഹാസതാരം തിലകന്റെ വ്യക്തിജീവിതവും കുടുംബബന്ധങ്ങളും എക്കാലത്തും ചർച്ചയാകാറുണ്ട്. തിലകന്റെ രണ്ട് വിവാഹങ്ങളെയും ആറ് മക്കളെയും മകനെന്ന നിലയിൽ എങ്ങനെ നോക്കിക്കാണുന്നുവെന്ന് വ്യക്തമാക്കുകയാണ് നടനും ഡബ്ബിംഗ് ആർട്ടിസ്റ്റുമായ ഷോബി തിലകന്. മൂവി വേള്ഡ് മീഡിയയ്ക്ക് നല്കിയ അഭിമുഖത്തിലാണ് ഷോബി നിലപാട് വ്യക്തമാക്കിയത്.
വ്യക്തിസ്വാതന്ത്ര്യത്തിന്റെ ഭാഗമായാണ് അച്ഛന്റെ തീരുമാനങ്ങളെ നോക്കിക്കാണുന്നതെന്ന് ഷോബി പറഞ്ഞു. “അത് ഓരോരുത്തരുടേയും വ്യക്തിസ്വാതന്ത്ര്യമാണ്. അത് അങ്ങനെ തന്നെ ഉള്ക്കൊള്ളാന് സാധിച്ചിട്ടുണ്ട്. എന്റെ അച്ഛന് രണ്ട് ഭാര്യമാരിലായി ആറ് മക്കളാണുള്ളത്. അത് തുറന്നു പറയുന്നതിലോ അംഗീകരിക്കുന്നതിലോ യാതൊരു ബുദ്ധിമുട്ടുമില്ല. അദ്ദേഹം തന്നെ ഇത് തുറന്നു പറഞ്ഞിട്ടുള്ളതാണ്,” ഷോബി വ്യക്തമാക്കി. അമ്മമാരിൽ രണ്ടുപേരിലും മൂന്ന് വീതം മക്കളാണുള്ളത് എന്നും അദ്ദേഹം കൂട്ടിച്ചേര്ത്തു.
(”അത് ഓരോരുത്തരുടേയും വ്യക്തിസ്വാതന്ത്ര്യമാണ്. അത് അങ്ങനെ തന്നെ ഉള്ക്കൊള്ളാന് സാധിച്ചിട്ടുണ്ട്. എന്റെ അച്ഛന് ആറ് മക്കളാണ്. രണ്ട് ഭാര്യമാരിലാണ് ആറ് മക്കളുള്ളത്. അത് തുറന്നു പറയുന്നതിലോ, അംഗീകരിക്കുന്നതിലോ നമുക്ക് യാതൊരു ബുദ്ധിമുട്ടുമില്ല. അത് അദ്ദേഹത്തിന്റെ ജീവിത സാഹചര്യങ്ങളാണ്. അദ്ദേഹം തന്നെ തുറന്നു പറഞ്ഞിട്ടുള്ളതാണ്. എന്റെ അമ്മയില് മൂന്ന് മക്കളാണ്. മറ്റേ അമ്മയിലും മൂന്ന് മക്കളാണ്. അച്ഛന് ആറ് മക്കളുണ്ടെന്ന് പറയുന്നതില് എനിക്ക് യാതൊരു ബുദ്ധിമുട്ടുമില്ല. ഞങ്ങളത് അംഗീകരിച്ചതാണ്” ഷോബി തിലകന് പറയുന്നു.)
തിലകന്റെ ആദ്യ ഭാര്യ ശാന്തയിൽ ഷമ്മി തിലകന്, ഷോബി തിലകന്, ഷാജി തിലകന് എന്നിങ്ങനെ മൂന്ന് മക്കളാണ് ഉള്ളത്. പിന്നീട് നാടക നടിയായ സരോജത്തെ വിവാഹം കഴിച്ചു. ഈ ബന്ധത്തിൽ ഷിബു തിലകന്, സോണിയ തിലകന്, സോഫിയ അജിത്ത് എന്നിവരാണ് ജനിച്ചത്. ഓണ് സ്ക്രീനിലെ പോലെ തന്നെ സ്വന്തം ജീവിതത്തിലെയും നിലപാടുകളിൽ വ്യക്തത പുലർത്തിയിരുന്നയാളായിരുന്നു തിലകനെന്ന് കുടുംബം നേരത്തെയും വ്യക്തമാക്കിയിട്ടുണ്ട്.