കേരളത്തിൽ നിയമസഭാ ഉപതിരഞ്ഞെടുപ്പിന്റെ വോട്ടെണ്ണൽ പുരോഗമിക്കവെ, താൻ ആശുപത്രിയിലാണെന്ന വിവരം പങ്കുവെച്ച് തൃക്കാക്കരയിലെ സ്വതന്ത്ര സ്ഥാനാർത്ഥി അഖിൽ മാരാർ. ഭാര്യ രാജലക്ഷ്മിയുടെ ആരോഗ്യപ്രശ്നങ്ങളെത്തുടർന്നാണ് വോട്ടെണ്ണൽ ദിനത്തിൽ അഖിലിന് ആശുപത്രിയിൽ കഴിയേണ്ടി വന്നത്.
ആശുപത്രിയിൽ നിന്നുള്ള ഒരു വീഡിയോ പങ്കുവെച്ചുകൊണ്ടാണ് അഖിൽ ഇക്കാര്യം ആരാധകരെയും വോട്ടർമാരെയും അറിയിച്ചത്. നാടൊന്നാകെ വോട്ടെണ്ണൽ ഫലത്തിന്റെ ആവേശത്തിൽ വീടുകളിലും കവലകളിലും ആഘോഷങ്ങളിൽ മുഴുകുമ്പോൾ, തങ്ങളുടെ ഇന്നത്തെ ആഘോഷം ആശുപത്രിയിലാണെന്ന് അഖിൽ വീഡിയോയിൽ പറയുന്നു. രാഷ്ട്രീയ പോരാട്ടത്തിന്റെ നിർണ്ണായക നിമിഷങ്ങളിൽ വോട്ടെണ്ണൽ കേന്ദ്രത്തിൽ ഉണ്ടാകേണ്ടതിന് പകരം കുടുംബത്തോടൊപ്പം ആശുപത്രിയിൽ ചിലവഴിക്കേണ്ടി വന്നതിന്റെ സാഹചര്യമാണ് താരം വ്യക്തമാക്കിയത്. അഖിലിന്റെ വീഡിയോ പുറത്തുവന്നതോടെ നിരവധി പേരാണ് രാജലക്ഷ്മിക്ക് വേഗത്തിൽ സുഖം പ്രാപിക്കട്ടെ എന്ന ആശംസകളുമായി രംഗത്തെത്തുന്നത്.
“എല്ലാവരും ഇലക്ഷൻ ആഘോഷത്തിലായിരിക്കും. റിസൾട്ട് ഒക്കെ ആഘോഷിച്ച് ഞങ്ങളും ആഘോഷിച്ചുകൊണ്ടിരിക്കുകയാണ്. കേരളത്തിലെ എല്ലാ ആഘോഷ ടീമുകൾക്കും ഹാപ്പി ആഘോഷം. ഞങ്ങൾ ആശുപത്രിയിൽ ആഘോഷിക്കും. അപ്പോൾ ആഘോഷിക്ക്”, സോഷ്യൽ മീഡിയയിൽ പങ്കുവച്ച വിഡിയോയിൽ അഖിൽ പറഞ്ഞു.
‘ഞങ്ങൾക്കും വന്ന് കാണണം എന്നുണ്ടായിരുന്നു, പക്ഷേ ആശുപത്രിയാലിപ്പോയി’ ചെറുചിരിയോടെ രാജലക്ഷ്മി പറഞ്ഞു,
കഴിഞ്ഞ മൂന്ന് ദിവസമായി രാജലക്ഷ്മി ആശുപത്രിയിൽ ചികിത്സയിലാണ്. അതേസമയം എൻഡിഎ സ്ഥാനാർഥിയായി അഖിൽ മാരാർ മത്സരിച്ച തൃക്കാക്കരയിൽ അദ്ദേഹം പിന്നിലാണ്. യുഡിഎഫ് സ്ഥാനാർഥി ഉമാ തോമസാണ് മണ്ഡലത്തിൽ ലീഡ് ചെയ്യു