മഹാഭാരതം സിനിമയാക്കാൻ തനിക്ക് ഭാഗ്യം ലഭിച്ചാൽ എല്ലാ ഇന്ത്യക്കാർക്കും അഭിമാനിക്കാവുന്ന രീതിയിലായിരിക്കും താനത് ഒരുക്കുക എന്ന് തുറന്നു പറഞ്ഞ് നടൻ ആമിർഖാൻ. വർഷങ്ങളായി നമ്മൾ കാണുന്ന അവതാർ പോലുള്ള വലിയ ഹോളിവുഡ് സിനിമകളുടെയൊക്കെ മാതാവായിരിക്കും മഹാഭാരതമെന്നും, അത് കൊണ്ട് സിനിമ വലിയൊരു ഉത്തരവാദിത്വമാണെന്നും ആമിർഖാൻ പറഞ്ഞു.
“മഹാഭാരതം നിർമിക്കുക എന്റെ സ്വപ്നം, ഒരു ദിവസം അത് യാഥാർത്ഥ്യമാകുമോ എന്ന് നോക്കാം. അതിനുള്ള അവസരം ലഭിക്കാൻ ഞാൻ ശരിക്കും ആഗ്രഹിക്കുന്നു, ഇന്ത്യക്കാർ വളരെ ശക്തമായി ബന്ധപ്പെട്ടിരിക്കുന്നു, അത് നമ്മുടെ രക്തത്തിൽ അലിഞ്ഞുചേർന്നിരിക്കുന്നു. എല്ലാ ഇന്ത്യക്കാർക്കും വളരെ അടിസ്ഥാനപരമായ ഒരു സിനിമ നിർമ്മിക്കുന്നതും ഒരു വലിയ ഉത്തരവാദിത്തമാണ്. ഞാൻ പലപ്പോഴും പറയാറുണ്ട്, മഹാഭാരതം ഒരിക്കലും നിങ്ങളെ നിരാശപ്പെടുത്തില്ല. ഞാൻ എപ്പോഴെങ്കിലും ഈ സിനിമ നിർമ്മിക്കുകയാണെങ്കിൽ, എല്ലാ ഇന്ത്യക്കാർക്കും ശരിക്കും അഭിമാനം തോന്നുന്ന രീതിയിൽ അത് നിർമ്മിക്കുന്നുവെന്ന് ഉറപ്പാക്കാൻ ഞാൻ ആഗ്രഹിക്കുന്നു.” ആമിർഖാൻ പറഞ്ഞു.
“വർഷങ്ങളായി, ലോർഡ് ഓഫ് ദി റിംഗ്സ് അല്ലെങ്കിൽ അവതാർ പോലുള്ള വലിയ എന്റർടെയ്നർമാരായ ധാരാളം ഹോളിവുഡ് സിനിമകൾ നമ്മൾ കണ്ടിട്ടുണ്ട്. ലോകം ഇതെല്ലാം കണ്ടിട്ടുണ്ട്. എന്നാൽ മഹാഭാരതം എല്ലാറ്റിന്റെയും മാതാവാണ്. അതിനാൽ അത് നന്നായി വന്നാൽ ഇന്ത്യക്കാർ ശരിക്കും അഭിമാനിക്കുമെന്ന് ഞാൻ കരുതുന്നു.” ആമിർ ഖാൻ കൂട്ടിച്ചേർത്തു.
ഇന്ത്യൻ സിനിമയിലെ തന്നെ ഏറ്റവും മികച്ച കലാകാരന്മാരിൽ ഒരാളാണ് ബോളിവുഡ് നടൻ ആമിർ ഖാൻ. കഥാപാത്രങ്ങൾക്ക് വേണ്ടി നടത്തുന്ന പരീക്ഷണങ്ങൾ മൂലം അദ്ദേഹത്തെ ആരാധകർ വിളിക്കുന്നത് ‘മിസ്റ്റർ പെർഫെക്ഷനിസ്റ്റ്’ എന്നാണ്. സിത്താരെ സമീൻ പർ ആണ് ഏറ്റവുമൊടുവിൽ പുറത്തുവന്ന ആമിർ ചിത്രം. മികച്ച പ്രതികരണമാണ് സിനിമയ്ക്ക് പ്രേക്ഷകരിൽ നിന്നും ലഭിച്ചിരുന്നത്. ലോകേഷ് ചിത്രമായ കൂലിയിലും ആമിർ ഖാൻ കാമിയോ വേഷത്തിൽ എത്തിയിരുന്നു.