‘ചത്താ പച്ച’ ചിത്രത്തെക്കുറിച്ച് പ്രതികരിച്ച് നടൻ മമ്മൂട്ടി. ചിത്രത്തെക്കുറിച്ച് അവതാരകയായ രഞ്ജിനി ഹരിദാസ് ചോദിച്ച ചോദ്യത്തിന് മറുപടിയായിട്ടായിരുന്നു മമ്മൂട്ടിയുടെ പ്രതികരണം. വാള്ട്ടറിന്റെ കുറച്ച് പിള്ളേര് അവിടെ കൊച്ചിയില് ഇറങ്ങുന്നുണ്ടെന്ന് കേട്ടു എന്നായിരുന്നു രഞ്ജിനിയുടെ ചോദ്യം. വാൾട്ടറിന്റെ അല്ല, അത് മട്ടാഞ്ചേരിയിലെ പിള്ളേരല്ലേ എന്നായിരുന്നു മമ്മൂട്ടിയുടെ മറുപടി. 22-ാം തീയതിയാ, ചത്താ പച്ച, എന്നും മമ്മൂട്ടി കൂട്ടിച്ചേര്ത്തു.
വ്യവസായിയായ പോളണ്ട് മൂസയുടെ ഫ്രാഗ്രന്സ് വേള്ഡ് 150 ല് ഏറെ രാജ്യങ്ങളിലേക്ക് വ്യാപിച്ചതിന്റെ ആഘോഷ പരിപാടിയിലാണ് മമ്മൂട്ടി പങ്കെടുത്തത്. അർജുൻ അശോകൻ, റോഷൻ മാത്യു, വിശാഖ് നായർ എന്നിവർ പ്രധാന വേഷത്തിലെത്തുന്ന ചിത്രമാണ് ചത്താ പച്ച. ചിത്രത്തിന്റെ ട്രെയ്ലറിന് വൻ സ്വീകാര്യതയാണ് ലഭിച്ചത്. ചിത്രത്തിൽ നടൻ മമ്മൂട്ടിയും അതിഥി വേഷത്തിലെത്തുന്നുണ്ട്. ട്രെയ്ലറിലെ ഒരു പഞ്ച് ഡയലോഗും സോഷ്യൽ മീഡിയയിൽ വൈറലായി മാറിയിരുന്നു.
മലയാള സിനിമയിലെ ആദ്യത്തെ മുഴുനീള ഡബ്യു ഡബ്യു ഇ സ്റ്റൈൽ ആക്ഷൻ കോമഡി ചിത്രം എന്ന വിശേഷണവും ചിത്രത്തിനുണ്ട്. റീൽ വേൾഡ് എന്റർടെയ്ന്മെന്റ് ആണ് ചിത്രം നിർമ്മിക്കുന്നത്. ട്രാൻസ് വേൾഡ് ഗ്രൂപ്പും ലെൻസ്മാൻ ഗ്രൂപ്പും ചേർന്നാണ് റീൽ വേൾഡ് എന്റർടെയ്ന്മെന്റ് എന്ന നിർമ്മാണ കമ്പനിക്ക് രൂപം നൽകിയത്. റിതേഷ് എസ് രാമകൃഷ്ണൻ, ഷിഹാൻ ഷൗക്കത്ത് എന്നിവരാണ് ചിത്രത്തിന്റെ നിർമ്മാതാക്കൾ. ചിത്രം കേരളത്തിലെ തിയറ്ററുകളിൽ വിതരണം ചെയ്യുന്നത് ദുൽഖർ സൽമാൻ നേതൃത്വം നൽകുന്ന വേഫെറർ ഫിലിംസ് ആണ്.