മമ്മൂട്ടി ചിത്രം “കളങ്കാവലിന്റെ” ഒടിടി സ്ട്രീമിങ് പ്രഖ്യാപിച്ചു. തിയറ്ററുകളിലെത്തി 25-ാം ദിനത്തിലാണ് ചിത്രത്തിന്റെ ഒഫിഷ്യല് ഒടിടി പ്രഖ്യാപനം വരുന്നത്. പ്രമുഖ പ്ലാറ്റ്ഫോം ആയ സോണി ലിവിലൂടെയാണ് ചിത്രത്തിന്റെ സ്ട്രീമിംഗ്. ചിത്രം ജനുവരിയിൽ സ്ട്രീമിങ് ആരംഭിക്കും. തീയതി പ്രഖ്യാപിച്ചിട്ടില്ല. മമ്മൂട്ടി ഒരു സീരിയല് കില്ലറായി എത്തിയിരിക്കുന്ന ചിത്രത്തില് വിനായകന് ഒരു സ്പെഷല് ബ്രാഞ്ച് പൊലീസുകാരനാണ്. ഇരുവരും തമ്മിലുള്ള, പ്രകടനത്തിലെ കൊടുക്കല്വാങ്ങലുകളായിരുന്നു ചിത്രത്തിന്റെ ഹൈലൈറ്റ്.
മമ്മൂട്ടി കമ്പനിയുടെ ബാനറില് മമ്മൂട്ടി തന്നെയാണ് ചിത്രം നിര്മ്മിച്ചിരിക്കുന്നത്. മലയാളത്തിന് പിന്നാലെ ചിത്രത്തിന്റെ ഹിന്ദി ടീസറും സോണി ലിവ് പുറത്തുവിട്ടിട്ടുണ്ട്. മമ്മൂട്ടി കമ്പനിയുടെ ബാനറിൽ നിർമ്മിക്കുന്ന ഏഴാമത്തെ ചിത്രമാണ് ഇത്. ‘കുറുപ്പി’ന്റെ കഥ ഒരുക്കിയ ജിതിന് കെ ജോസിന്റെ സംവിധായകനായുള്ള അരങ്ങേറ്റമാണ് കളങ്കാവല്. ജിതിന് കെ ജോസും ജിഷ്ണു ശ്രീകുമാറും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. വേഫെറർ ഫിലിംസ് ആണ് കേരളത്തിൽ വിതരണത്തിനെത്തിച്ചത്.
ഡിസംബര് 5 നായിരുന്നു ചിത്രത്തിന്റെ തിയറ്റര് റിലീസ്. മമ്മൂട്ടി വില്ലനായി എത്തുന്നു എന്നതുള്പ്പെടെയുള്ള പല ഘടകങ്ങളാല് പ്രീ റിലീസ് ഹൈപ്പ് നേടിയ ചിത്രമായിരുന്നു ഇത്. ആദ്യ ഷോകള്ക്കിപ്പുറം പോസിറ്റീവ് അഭിപ്രായങ്ങള് വന്നതോടെ ചിത്രം ബോക്സ് ഓഫീസിലും കുതിച്ചു. ഈ വര്ഷം ഇറങ്ങിയ മറ്റൊരു മമ്മൂട്ടി ചിത്രമായ ഡൊമിനിക് ആന്ഡ് ദി ലേഡീസ് പഴ്സിന്റെ ഒടിടി റിലീസ് ഏറെ വൈകിയിരുന്നു. ജനുവരിയില് തിയറ്ററുകളിലെത്തിയ ഈ ചിത്രം ഡിസംബറിലാണ് ഒടിടിയില് എത്തിയത്.