‘ഹൃദയപൂര്വ്വം’ സിനിമയുടെ ഭാഗമാവാന് സാധിച്ചതില് സന്തോഷം പങ്കുവെച്ച് നടനും സംവിധായകനുമായ ബേസിൽ ജോസഫ്. രണ്ട് ‘ഇതിഹാസങ്ങള്ക്കൊപ്പം’ പ്രവര്ത്തിക്കാന് കഴിഞ്ഞത് ‘ഒരു സ്വപ്നം യാഥാര്ഥ്യമായതുപോലെ’ ആയിരുന്നുവെന്ന് ബേസിൽ കുറിച്ചു. സത്യൻ അന്തിക്കാടിനും മോഹൻലാലിനുമൊപ്പമുള്ള ചിത്രവും ബേസിൽ പങ്കുവെച്ചിട്ടുണ്ട്. ചിത്രത്തിന്റെ ഭാഗമായതില് ബേസിലിന് ചീഫ് അസോസിയേറ്റ് ഡയറക്ടറായ അഖില് സത്യനും നന്ദി രേഖപ്പെടുത്തിയിട്ടുണ്ട്.
‘ഈ രണ്ട് ഇതിഹാസങ്ങള്ക്കൊപ്പം പ്രവര്ത്തിക്കാന് സാധിച്ചത് സ്വപ്നസാക്ഷാത്കാരംപോലെയായിരുന്നു. എന്റെ കുട്ടിക്കാലത്തെ പ്രിയപ്പെട്ട സിനിമകളില് ഭൂരിഭാഗവും ഈ കൂട്ടുകെട്ടിന്റേതായിരുന്നു. അതൊരു നൊസ്റ്റാള്ജിയയാണ്. വര്ഷങ്ങള്ക്കുശേഷം, അവരുടെ ‘ഹൃദയപൂര്വ്വം’ എന്ന സിനിമയില് ചെറിയ വേഷം ചെയ്യാന് കഴിഞ്ഞതുപോലും വലിയ ബഹുമതിയായിരുന്നു. സത്യന് അന്തിക്കാട് സാറിനും മോഹന്ലാല് സാറിനും അനൂപ് സത്യനും നന്ദി’. ബേസിൽ ജോസഫ് കുറിച്ചു.
ബേസിലിന്റെ പോസ്റ്റില് കമന്റ് ആയാണ് ‘ഹൃദയപൂര്വ്വ’ത്തിന്റെ ഭാഗമായതിന് അനൂപ് സത്യന് നന്ദി അറിയിച്ചത്. ‘ബേസില്, താങ്കളുടെ കൂടെ പ്രവര്ത്തിക്കുന്നത് വളരേ രസകരമായിരുന്നു. ‘ഹൃദയപൂര്വ്വ’ത്തിന്റെ ഭാഗമായതിന് നന്ദി’, എന്നായിരുന്നു അനൂപിന്റെ മറുപടി. ‘ആ ‘റൂമര്’ പുറത്തുവിട്ട മനുഷ്യനും നന്ദി’, എന്നും അനൂപ് കമന്റില് കൂട്ടിച്ചേര്ത്തു.