മോഹൻലാൽ ചിത്രം ഹൃദയപൂർവ്വത്തിലെ ഡിലീറ്റഡ് സീൻ പുറത്തു വിട്ടു. സംഗീത് പ്രതാപിന്റെയും അനൂപ് സത്യന്റെയും സോഷ്യൽ മീഡിയ പേജ് വഴിയാണ് സീൻ പുറത്തുവിട്ടിരിക്കുന്നത്. “It was not ‘ഇനി നടക്കപോറത് യുദ്ധം’nor ‘എന്റെ പിള്ളേരെ തൊടുന്നോടാ”, എന്ന ക്യാപ്ഷനോടെയാണ് വീഡിയോ പുറത്തുവന്നത്. ഹോസ്പിറ്റൽ രംഗത്തിൽ സംഗീതും മോഹൻലാലും തമ്മിലുള്ള കോമ്പിനേഷൻ സീനും ഡയലോഗുമാണിത്.
തുടരും’, ‘എമ്പുരാൻ’, ‘ഹൃദയപൂർവ്വം’ എന്നിവയിലൂടെ മോഹൻലാൽ ഈ വർഷം ഹാട്രിക് വിജയം നേടുമെന്ന സിനിമാലോകത്തിൻ്റെ പ്രതീക്ഷ ഇതോടെ നിറവേറിയിരിക്കുകയാണ്. ഈ വർഷം മലയാളത്തിൽ ഏറ്റവും കൂടുതൽ കളക്ഷൻ നേടിയ ചിത്രങ്ങളിൽ ‘ഹൃദയപൂർവ്വം’ അഞ്ചാം സ്ഥാനത്താണ്. ചിത്രം ആഗോളതലത്തിൽ 70 കോടി രൂപയോളം നേടി വൻവിജയം സ്വന്തമാക്കി. ചിത്രത്തില് മോഹന്ലാല്-സംഗീത് പ്രതാപ് കോമ്പോ പ്രകടനത്തിന് വലിയ സ്വീകാര്യത ലഭിക്കുന്നുണ്ട്.
2015-ല് പുറത്തിറങ്ങിയ ‘എന്നും എപ്പോഴും’ എന്ന ചിത്രത്തിലായിരുന്നു മോഹന്ലാല്-സത്യന് അന്തിക്കാട് കൂട്ടുകെട്ട് ഒടുവില് ഒന്നിച്ചത്.
സത്യന് അന്തിക്കാടിന്റെ മക്കളായ അഖില് സത്യനും അനൂപ് സത്യനും അദ്ദേഹത്തിനൊപ്പം പ്രവര്ത്തിക്കുന്നു എന്ന പ്രത്യേകതയും ഹൃദയപൂര്വ്വത്തിനുണ്ട്. ചിത്രത്തിന്റെ കഥ ഒരുക്കിയിരിക്കുന്നത് അഖില് സത്യനാണ്. അനൂപ് സത്യന് സിനിമയില് അസോസിയേറ്റ് ആയി പ്രവര്ത്തിക്കുന്നു. അനു മൂത്തേടത്ത് ക്യാമറയും ജസ്റ്റിന് പ്രഭാകരന് സംഗീത സംവിധാനവും നിര്വഹിക്കുന്നു. എമ്പുരാന് ശേഷം ആശിര്വാദ് സിനിമാസിൻ്റെ ബാനറില് ആന്റണി പെരുമ്പാവൂര് നിര്മിക്കുന്ന ചിത്രം കൂടിയാണ് ഹൃദയപൂര്വ്വം.