‘ലോക – ചാപ്റ്റർ 1: ചന്ദ്ര’യുടെ രണ്ടാം ഭാഗം പ്രഖ്യാപിച്ച് ടൊവിനോ തോമസും, ദുൽഖർ സൽമാനും. ഇരുവരും ചേർന്നുള്ള വീഡിയോയിലൂടെ ആണ് രണ്ടാം ഭാഗം പ്രഖ്യാപിച്ചത്. ദുൽഖർ സൽമാന്റെ വേഫെറർ ഫിലിംസിന്റെ ഏഴാം ചിത്രമായിരുന്നു ‘ലോക – ചാപ്റ്റർ 1: ചന്ദ്ര’. ചിത്രം ഇൻഡസ്ട്രിയൽ ഹിറ്റ് ആയിരുന്നു. ചിത്രത്തിൽ ടൊവിനോ തോമസ് ചാത്തനായും, ദുൽഖർ ചാർളിയുമായാണ് എത്തിയിരുന്നത്.
അഞ്ചാം ആഴ്ചയും 275 സ്ക്രീനിൽ നിറഞ്ഞു പ്രദർശിപ്പിക്കുന്ന ‘ലോക ചാപ്റ്റർ 1: ചന്ദ്ര’ ഇതിനകം 275 കോടി കടക്കുകയും 300 കോടിയിലേക്ക് അടുക്കുകയും ചെയ്യുന്ന ആഘോഷത്തിനിടയിലാണ് പുതിയ സിനിമയുടെ വിവരം ആരാധകരിലേക്ക് എത്തിയത്. ഏറെ പ്രേക്ഷക ശ്രദ്ധ നേടിയ രണ്ടു കാമിയോ റോളുകളിൽ എത്തിയവരാണ് ടോവിനോയും ദുൽഖർ സൽമാനും. ചാത്തനായും ചാർളിയായും നിറഞ്ഞാടിയ ഇരുവരും ആരാധകർ കാത്തിരുന്ന വിവരം വീഡിയോ വഴി അറിയിക്കുകയായിരുന്നു.