റെട്രോ സിനിമയുടെ പ്രമോഷൻ വേദിയിൽ പഹല്ഗാം ഭീകരാക്രമണത്തെ കുറിച്ച് പ്രതികരിച്ച് നടൻ വിജയദേവരകൊണ്ട. ഖുശി സിനിമയുടെ ചിത്രീകരണത്തിനായി കാശ്മീരിൽ പോയിട്ടുണ്ടെന്നും അവിടെ നല്ല ഓർമകൾ തനിക്കുണ്ടെന്നും വിജയ് പറഞ്ഞു. പാക്കിസ്ഥാനത്തിൽ വെള്ളവും വൈദ്യുതിയുമില്ലെന്നും അത് കൊണ്ട് തന്നെ പാകിസ്താനികള്ക്ക് അവരുടെ സര്ക്കാരിനെ മടുത്തുവെന്നും വിജയ് പറഞ്ഞു.
ഖുഷി സിനിമയുടെ ഭാഗമായി ഞാൻ കാശ്മീരിൽ പോയിട്ടുണ്ട്. കാശ്മീരിനെക്കുറിച്ച് എനിക്ക് മനോഹരമായ ഓർമ്മകളാണുള്ളത്. പാകിസ്ഥാനിൽ ഇപ്പോഴും വെള്ളവും വൈദ്യുതിയും ഇല്ലാത്ത സ്ഥലങ്ങൾ ഉണ്ട്. അവർക്കിപ്പോഴും അവരുടെ സ്വന്തം കാര്യങ്ങൾ നോക്കാൻ പോലും കഴിയുന്നില്ല. നമ്മളെല്ലാവരും എപ്പോഴും തീവ്രവാദത്തിനെതിരെ ഐക്യത്തോടെ നിലകൊള്ളണം. പാക്കിസ്ഥാനെ ഇന്ത്യ ആക്രമിക്കേണ്ട കാര്യമില്ല.നമ്മള് പരസ്പരം സ്നേഹിക്കുകയും വേണം. വിദ്യാഭ്യാസം വളരെ പ്രധാനമാണ്’, അദ്ദേഹം കൂട്ടിച്ചേര്ത്തു.
ജമ്മു കശ്മീരിലെ പഹൽഗാമിൽ നടന്ന ഭീകരാക്രമണത്തിന് പിന്നാലെ ആക്രമണത്തിന് ഇരയായവരെ ആശ്വസിപ്പിച്ച് നിരവധി പ്രമുഖർ സമൂഹ മാധ്യമങ്ങളിൽ ദുഃഖം പ്രകടിപ്പിച്ചിരുന്നു. ഇന്ത്യൻ നടി വാണി കപൂറും പാകിസ്താൻ നടൻ ഫവാദ് ഖാനും പ്രധാന വേഷങ്ങളിൽ എത്തുന്ന ‘അബിർ ഗുലാലി’ന്റെ പ്രമോഷന് പരിപാടികള് എല്ലാം നിര്ത്തി വെക്കുകയും ചിത്രത്തിലെ പുറത്തിറങ്ങിയ രണ്ട് ഗാനങ്ങളും യൂട്യൂബ് ഇന്ത്യയില് നിന്നും നീക്കം ചെയ്യുകയും ചെയ്തിട്ടുണ്ടായിരുന്നു. ആരതി എസ് ബാഗ്ദി സംവിധാനം ചെയ്യുന്ന അബിർ ഗുലാൽ മെയ് 9 നാണ് റിലീസ് പ്രഖ്യാപിച്ചിരിക്കുന്നത്. ഒരു ഇന്ത്യ-പാക് പ്രണയകഥയാണ് ഈ റൊമാന്റിക് ഡ്രാമയില് പറയുന്നത് എന്നാണ് സൂചന. ഫവാദ് ഖാന് അഭിനയിച്ച ബോളിവുഡ് പടത്തിന് മുന്പും സമാനമായ പ്രതിഷേധം നേരിടേണ്ടി വന്നിട്ടുണ്ട്. 2016-ൽ കരൺ ജോഹറിന്റെ ‘ഏ ദിൽ ഹേ മുഷ്കിൽ’ എന്ന ചിത്രവുമായി ബന്ധപ്പെട്ടായിരുന്നു അന്ന് വിവാദം. 2016 സെപ്റ്റംബർ 18 ഉറിയിൽ നടന്ന ഭീകരാക്രമണത്തെത്തുടർന്ന് ആ ചിത്രത്തിനെതിരെ പ്രതിഷേധങ്ങൾ ഉയർന്നിരുന്നു. ഇതേ തുടർന്ന് പാകിസ്താൻ കലാകാരന്മാർക്ക് ഇന്ത്യയിൽ വിലക്ക് ഏർപ്പെടുത്തിയിരുന്നു. ഏപ്രിൽ 22 നായിരുന്നു പഹല്ഗാമില് രാജ്യത്തെ നടുക്കിയ ഭീകരാക്രമണം അരങ്ങേറിയത്. പ്രദേശത്തുണ്ടായിരുന്ന ടൂറിസ്റ്റുകള്ക്ക് നേരെ പൈന് മരങ്ങള്ക്കിടയില് നിന്നിറങ്ങിവന്ന ഭീകരര് വെടിയുതിര്ക്കുകയായിരുന്നു. മലയാളി ഉള്പ്പെടെ 26 പേര്ക്കാണ് ജീവന് നഷ്ടമായത്. ആക്രമണത്തിന് തൊട്ടുപിന്നാലെ ലഷ്കര് ഇ തൊയ്ബയുടെ ഉപസംഘടനയായ ദി റെസിസ്റ്റന്സ് ഫ്രണ്ട് ആക്രമണത്തിന്റെ ഉത്തരവാദിത്വം ഏറ്റെടുത്തിരുന്നു.
പ്രഖ്യാപനം മുതൽ ഈ ചിത്രം വിവാദങ്ങൾക്ക് വഴിവച്ചിട്ടുണ്ട്. ചിത്രം റിലീസ് ഷെഡ്യൂളിൽ നിന്ന് പിൻവലിക്കണമെന്ന് ആവശ്യവും ശക്തമാണ്. അതേ സമയം, ഫവാദ് ഖാന് അഭിനയിച്ച ബോളിവുഡ് പടത്തിന് മുന്പും സമാനമായ പ്രതിഷേധം നേരിടേണ്ടി വന്നിട്ടുണ്ട്. 2016-ൽ കരൺ ജോഹറിന്റെ ‘ഏ ദിൽ ഹേ മുഷ്കിൽ’ എന്ന ചിത്രവുമായി ബന്ധപ്പെട്ടായിരുന്നു അന്ന് വിവാദം. 2016 സെപ്റ്റംബർ 18 ഉറിയിൽ നടന്ന ഭീകരാക്രമണത്തെത്തുടർന്ന് ആ ചിത്രത്തിനെതിരെ പ്രതിഷേധങ്ങൾ ഉയർന്നിരുന്നു. ഇതേ തുടർന്ന് പാകിസ്താൻ കലാകാരന്മാർക്ക് ഇന്ത്യയിൽ വിലക്ക് ഏർപ്പെടുത്തിയിരുന്നു.ഇന്നലെയായിരുന്നു പഹല്ഗാമില് രാജ്യത്തെ നടുക്കിയ ഭീകരാക്രമണം അരങ്ങേറിയത്. പ്രദേശത്തുണ്ടായിരുന്ന ടൂറിസ്റ്റുകള്ക്ക് നേരെ പൈന് മരങ്ങള്ക്കിടയില് നിന്നിറങ്ങിവന്ന ഭീകരര് വെടിയുതിര്ക്കുകയായിരുന്നു. മലയാളി ഉള്പ്പെടെ 28 പേര്ക്കാണ് ജീവന് നഷ്ടമായത്. ആക്രമണത്തിന് തൊട്ടുപിന്നാലെ ലഷ്കര് ഇ തൊയ്ബയുടെ ഉപസംഘടനയായ ദി റെസിസ്റ്റന്സ് ഫ്രണ്ട് ആക്രമണത്തിന്റെ ഉത്തരവാദിത്വം ഏറ്റെടുത്തിരുന്നു. ആക്രമണം നടത്തിയ ഭീകരരുടെ രേഖാചിത്രം പുറത്തുവിട്ടിട്ടുണ്ട്. ലഷ്കര് നേതാവ് സെയ്ഫുള്ള കസൂരിയാണ് ഭീകരാക്രമണത്തിന്റെ മുഖ്യസൂത്രധാരന് എന്നാണ് ഏറ്റവും ഒടുവില് പുറത്തുവന്നിരിക്കുന്ന വിവരം.