ഹിറ്റ് സംവിധായകൻ അറ്റ്ലിയും നാഷണൽ അവാർഡ് താരമായ അല്ലു അർജുനും ഒന്നിക്കുന്ന ചിത്രത്തിന്റെ ഔദ്യോഗിക പ്രഖ്യാപനത്തോടെ ആരാധകർ വലിയ പ്രതീക്ഷയിലാണ്. ‘സൗത്തിൽ ഹിറ്റ് ചിത്രങ്ങൾക്ക് മുന്നിൽ നിൽക്കുന്ന അറ്റ്ലിയുമായി സഹകരിക്കാനാകുന്നത് വലിയ സന്തോഷമാണ്,’ എന്നും ‘ഇന്റർനാഷണൽ ലെവലിൽ എന്നാൽ ഇന്ത്യൻ സെൻസിബിലിറ്റിയോട് ചേർന്ന് നിൽക്കുന്ന’ സിനിമയാണ് വരാനിരിക്കുന്നതെന്നും അല്ലു അർജുൻ വ്യക്തമാക്കി. വേവ് സബ്മിറ്റ് ഇന്ത്യയിൽ നടത്തിയ സംവാദത്തിലാണ് താരത്തിന്റെ പ്രതികരണം.
ചിത്രത്തിന്റെ നിർമ്മാണം ഏറ്റെടുത്തിരിക്കുന്നത് പ്രമുഖ നിർമ്മാതാക്കളായ സൺ പിക്ചേഴ്സാണ്. പിങ്ക് വില്ലയുടെ റിപ്പോർട്ട് പ്രകാരം, ചിത്രത്തിന്റെ മൊത്തം ബജറ്റ് 800 കോടി രൂപയ്ക്ക് മുകളിലായിരിക്കും. പ്രൊഡക്ഷൻ itself 200 കോടിയിലധികം ചിലവു വരുമെന്നു സൂചനയുണ്ട്. വിഎഫ്എക്സ് രംഗത്ത് മാത്രം 250 കോടിയിലധികം ചെലവിടാനാണ് നിർമാതാക്കളുടെ തീരുമാനം.
അമേരിക്കയിലെ ലോലാ വി എഫ് എക്സ്, സ്പെക്ട്രൽ മോഷൻ, ഫ്രാക്ചേർഡ് എഫ് എക്സ്, ഐ എൽ എം ടെക്നോപ്രോപ്സ്, അയൺ ഹെഡ് സ്റ്റുഡിയോ, ലെഗസി എഫക്ട്സ് എന്നീ അന്താരാഷ്ട്ര സ്ഥാപനങ്ങളാണ് സാങ്കേതികമായി അറ്റ്ലിയെ സഹായിക്കുന്നതും പ്രോജക്ടിന്റെ ഭാവിതലത്തിലുള്ള കാഴ്ചപ്പാടുകൾക്ക് പിന്നിൽ നിൽക്കുന്നവയുമാകുന്നത്. ചിത്രത്തിൽ അറ്റ്ലിക്ക് 100 കോടി രൂപ പ്രതിഫലമായി ലഭിക്കും എന്നും നായകൻ അല്ലു അർജുനിന് 175 കോടി രൂപയും ലാഭത്തിൽ 15 ശതമാനം വിഹിതവുമാണ് ലഭിക്കുകയെന്നുമാണ് റിപ്പോർട്ടുകൾ സൂചിപ്പിക്കുന്നത്.
ഇന്ത്യൻ സിനിമയിലെ തന്നെ ഏറ്റവും വലിയ പ്രൊജക്ടുകളിൽ ഒന്നായി മാറുന്ന ഈ ചിത്രം അല്ലു അർജുനിന്റെ 22ാമത്തെ ചിത്രവും, അറ്റ്ലിയുടെ 6ാമത്തെ സംവിധാന സംരംഭവുമാണ്.